Mandala.Sukta 10.171

इटो भार्गवः। इन्द्रः। गायत्री। · iṭo bhārgavaḥ | indraḥ | gāyatrī |

त्वं त्यमि॒टतो॒ रथ॒मिन्द्र॒ प्राव॑: सु॒ताव॑तः ।अशृ॑णोः सो॒मिनो॒ हव॑म्॥

tvaṃ tyamiṭato rathamindra prāva: sutāvataḥ |aśṛṇoḥ somino havam ||

त्वं म॒खस्य॒ दोध॑त॒: शिरोऽव॑ त्व॒चो भ॑रः ।अग॑च्छः सो॒मिनो॑ गृ॒हम्॥

tvaṃ makhasya dodhata: śiro'va tvaco bharaḥ |agacchaḥ somino gṛham ||

त्वं त्यमि॑न्द्र॒ मर्त्य॑मास्त्रबु॒ध्नाय॑ वे॒न्यम् ।मुहु॑: श्रथ्ना मन॒स्यवे॑॥

tvaṃ tyamindra martyamāstrabudhnāya venyam |muhu: śrathnā manasyave ||

त्वं त्यमि॑न्द्र॒ सूर्यं॑ प॒श्चा सन्तं॑ पु॒रस्कृ॑धि ।दे॒वानां॑ चित्ति॒रो वश॑म्॥

tvaṃ tyamindra sūryaṃ paścā santaṃ puraskṛdhi |devānāṃ cittiro vaśam ||