Mandala.Sukta 10.181

क्रमेण- प्रथो वासिष्ठः, सप्रथो भारद्वाजः, धर्मः सौर्यः। विश्वेदेवाः। त्रिष्टुप्। · krameṇa- pratho vāsiṣṭhaḥ, sapratho bhāradvājaḥ, dharmaḥ sauryaḥ | viśvedevāḥ | triṣṭup |

प्रथ॑श्च॒ यस्य॑ स॒प्रथ॑श्च॒ नामाऽऽनु॑ष्टुभस्य ह॒विषो॑ ह॒विर्यत् ।धा॒तुर्द्युता॑नात्सवि॒तुश्च॒ विष्णो॑ रथंत॒रमा ज॑भारा॒ वसि॑ष्ठः॥

prathaśca yasya saprathaśca nāmā''nuṣṭubhasya haviṣo haviryat |dhāturdyutānātsavituśca viṣṇo rathaṃtaramā jabhārā vasiṣṭhaḥ ||

अवि॑न्द॒न्ते अति॑हितं॒ यदासी॑द्य॒ज्ञस्य॒ धाम॑ पर॒मं गुहा॒ यत् ।धा॒तुर्द्युता॑नात्सवि॒तुश्च॒ विष्णो॑र्भ॒रद्वा॑जो बृ॒हदा च॑क्रे अ॒ग्नेः॥

avindante atihitaṃ yadāsīdyajñasya dhāma paramaṃ guhā yat |dhāturdyutānātsavituśca viṣṇorbharadvājo bṛhadā cakre agneḥ ||

ते॑ऽविन्द॒न्मन॑सा॒ दीध्या॑ना॒ यजु॑: ष्क॒न्नं प्र॑थ॒मं दे॑व॒यान॑म् ।धा॒तुर्द्युता॑नात्सवि॒तुश्च॒ विष्णो॒रा सूर्या॑दभरन्घ॒र्ममे॒ते॥

te'vindanmanasā dīdhyānā yaju: ṣkannaṃ prathamaṃ devayānam |dhāturdyutānātsavituśca viṣṇorā sūryādabharangharmamete ||