Mandala.Sukta 10.191

संवनन आङ्गिरसः। १ अग्निः,२-४ संज्ञानम्। अनुष्टुप् , ३ त्रिष्टुप्। · saṃvanana āṅgirasaḥ | 1 agniḥ,2-4 saṃjñānam | anuṣṭup , 3 triṣṭup |

संस॒मिद्यु॑वसे वृष॒न्नग्ने॒ विश्वा॑न्य॒र्य आ ।इ॒ळस्प॒दे समि॑ध्यसे॒ स नो॒ वसू॒न्या भ॑र॥

saṃsamidyuvase vṛṣannagne viśvānyarya ā |iḷaspade samidhyase sa no vasūnyā bhara ||

सं ग॑च्छध्वं॒ सं व॑दध्वं॒ सं वो॒ मनां॑सि जानताम् ।दे॒वा भा॒गं यथा॒ पूर्वे॑ संजाना॒ना उ॒पास॑ते॥

saṃ gacchadhvaṃ saṃ vadadhvaṃ saṃ vo manāṃsi jānatām |devā bhāgaṃ yathā pūrve saṃjānānā upāsate ||

स॒मा॒नो मन्त्र॒: समि॑तिः समा॒नी स॑मा॒नं मन॑: स॒ह चि॒त्तमे॑षाम् ।स॒मा॒नं मन्त्र॑म॒भि म॑न्त्रये वः समा॒नेन॑ वो ह॒विषा॑ जुहोमि॥

samāno mantra: samitiḥ samānī samānaṃ mana: saha cittameṣām |samānaṃ mantramabhi mantraye vaḥ samānena vo haviṣā juhomi ||

स॒मा॒नी व॒ आकू॑तिः समा॒ना हृद॑यानि वः ।स॒मा॒नम॑स्तु वो॒ मनो॒ यथा॑ व॒: सुस॒हास॑ति॥

samānī va ākūtiḥ samānā hṛdayāni vaḥ |samānamastu vo mano yathā va: susahāsati ||