Mandala.Sukta 7.51

मैत्रावरुणिर्वसिष्ठ:। आदित्या: । त्रिष्टुप् । · maitrāvaruṇirvasiṣṭha: | ādityā: | triṣṭup |

आ॒दि॒त्याना॒मव॑सा॒ नूत॑नेन सक्षी॒महि॒ शर्म॑णा॒ शंत॑मेन ।अ॒ना॒गा॒स्त्वे अ॑दिति॒त्वे तु॒रास॑ इ॒मं य॒ज्ञं द॑धतु॒ श्रोष॑माणाः॥

ādityānāmavasā nūtanena sakṣīmahi śarmaṇā śaṃtamena |anāgāstve adititve turāsa imaṃ yajñaṃ dadhatu śroṣamāṇāḥ ||

आ॒दि॒त्यासो॒ अदि॑तिर्मादयन्तां मि॒त्रो अ॑र्य॒मा वरु॑णो॒ रजि॑ष्ठाः ।अ॒स्माकं॑ सन्तु॒ भुव॑नस्य गो॒पाः पिब॑न्तु॒ सोम॒मव॑से नो अ॒द्य॥

ādityāso aditirmādayantāṃ mitro aryamā varuṇo rajiṣṭhāḥ |asmākaṃ santu bhuvanasya gopāḥ pibantu somamavase no adya ||

आ॒दि॒त्या विश्वे॑ म॒रुत॑श्च॒ विश्वे॑ दे॒वाश्च॒ विश्व॑ ऋ॒भव॑श्च॒ विश्वे॑ ।इन्द्रो॑ अ॒ग्निर॒श्विना॑ तुष्टुवा॒ना यू॒यं पा॑त स्व॒स्तिभि॒: सदा॑ नः॥

ādityā viśve marutaśca viśve devāśca viśva ṛbhavaśca viśve |indro agniraśvinā tuṣṭuvānā yūyaṃ pāta svastibhi: sadā naḥ ||