Mandala.Sukta 9.58

अवत्सार: काश्यपः । पवमान: सोम: । गायत्री । · avatsāra: kāśyapaḥ | pavamāna: soma: | gāyatrī |

तर॒त्स म॒न्दी धा॑वति॒ धारा॑ सु॒तस्यान्ध॑सः ।तर॒त्स म॒न्दी धा॑वति॥

taratsa mandī dhāvati dhārā sutasyāndhasaḥ |taratsa mandī dhāvati ||

उ॒स्रा वे॑द॒ वसू॑नां॒ मर्त॑स्य दे॒व्यव॑सः ।तर॒त्स म॒न्दी धा॑वति॥

usrā veda vasūnāṃ martasya devyavasaḥ |taratsa mandī dhāvati ||

ध्व॒स्रयो॑: पुरु॒षन्त्यो॒रा स॒हस्रा॑णि दद्महे ।तर॒त्स म॒न्दी धा॑वति॥

dhvasrayo: puruṣantyorā sahasrāṇi dadmahe |taratsa mandī dhāvati ||

आ ययो॑स्त्रिं॒शतं॒ तना॑ स॒हस्रा॑णि च॒ दद्म॑हे ।तर॒त्स म॒न्दी धा॑वति॥

ā yayostriṃśataṃ tanā sahasrāṇi ca dadmahe |taratsa mandī dhāvati ||