Parva.Adhyaya 8.63

संजय उवाच · saṃjaya uvāca

वृषसेनं हतं दृष्ट्वा शोकामर्षसमन्वितःमुक्त्वा शोकोद्भवं वारि नेत्राभ्यां सहसा वृषः

vṛṣasenaṃ hataṃ dṛṣṭvā śokāmarṣasamanvitaḥmuktvā śokodbhavaṃ vāri netrābhyāṃ sahasā vṛṣaḥ

रथेन कर्णस्तेजस्वी जगामाभिमुखो रिपून्युद्धायामर्षताम्राक्षः समाहूय धनंजयम्

rathena karṇastejasvī jagāmābhimukho ripūnyuddhāyāmarṣatāmrākṣaḥ samāhūya dhanaṃjayam

तौ रथौ सूर्यसंकाशौ वैयाघ्रपरिवारणौसमेतौ ददृशुस्तत्र द्वाविवार्कौ समागतौ

tau rathau sūryasaṃkāśau vaiyāghraparivāraṇausametau dadṛśustatra dvāvivārkau samāgatau

श्वेताश्वौ पुरुषादित्यावास्थितावरिमर्दनौशुशुभाते महात्मानौ चन्द्रादित्यौ यथा दिवि

śvetāśvau puruṣādityāvāsthitāvarimardanauśuśubhāte mahātmānau candrādityau yathā divi

तौ दृष्ट्वा विस्मयं जग्मुः सर्वभूतानि मारिषत्रैलोक्यविजये यत्ताविन्द्रवैरोचनाविव

tau dṛṣṭvā vismayaṃ jagmuḥ sarvabhūtāni māriṣatrailokyavijaye yattāvindravairocanāviva

रथज्यातलनिर्ह्रादैर्बाणशङ्खरवैरपितौ रथावभिधावन्तौ समालोक्य महीक्षिताम्

rathajyātalanirhrādairbāṇaśaṅkharavairapitau rathāvabhidhāvantau samālokya mahīkṣitām

ध्वजौ च दृष्ट्वा संसक्तौ विस्मयः समपद्यतहस्तिकक्ष्यां च कर्णस्य वानरं च किरीटिनः

dhvajau ca dṛṣṭvā saṃsaktau vismayaḥ samapadyatahastikakṣyāṃ ca karṇasya vānaraṃ ca kirīṭinaḥ

तौ रथौ संप्रसक्तौ च दृष्ट्वा भारत पार्थिवाःसिंहनादरवांश्चक्रुः साधुवादांश्च पुष्कलान्

tau rathau saṃprasaktau ca dṛṣṭvā bhārata pārthivāḥsiṃhanādaravāṃścakruḥ sādhuvādāṃśca puṣkalān

श्रुत्वा तु द्वैरथं ताभ्यां तत्र योधाः समन्ततःचक्रुर्बाहुवलं चैव तथा चेलवलं महत्

śrutvā tu dvairathaṃ tābhyāṃ tatra yodhāḥ samantataḥcakrurbāhuvalaṃ caiva tathā celavalaṃ mahat

आजग्मुः कुरवस्तत्र वादित्रानुगतास्तदाकर्णं प्रहर्षयन्तश्च शङ्खान्दध्मुश्च पुष्कलान्

ājagmuḥ kuravastatra vāditrānugatāstadākarṇaṃ praharṣayantaśca śaṅkhāndadhmuśca puṣkalān

तथैव पाण्डवाः सर्वे हर्षयन्तो धनंजयम्तूर्यशङ्खनिनादेन दिशः सर्वा व्यनादयन्

tathaiva pāṇḍavāḥ sarve harṣayanto dhanaṃjayamtūryaśaṅkhaninādena diśaḥ sarvā vyanādayan

क्ष्वेडितास्फोटितोत्क्रुष्टैस्तुमुलं सर्वतोऽभवत्बाहुघोषाश्च वीराणां कर्णार्जुनसमागमे

kṣveḍitāsphoṭitotkruṣṭaistumulaṃ sarvato'bhavatbāhughoṣāśca vīrāṇāṃ karṇārjunasamāgame

तौ दृष्ट्वा पुरुषव्याघ्रौ रथस्थौ रथिनां वरौप्रगृहीतमहाचापौ शरशक्तिगदायुधौ

tau dṛṣṭvā puruṣavyāghrau rathasthau rathināṃ varaupragṛhītamahācāpau śaraśaktigadāyudhau

वर्मिणौ बद्धनिस्त्रिंशौ श्वेताश्वौ शङ्खशोभिनौतूणीरवरसंपन्नौ द्वावपि स्म सुदर्शनौ

varmiṇau baddhanistriṃśau śvetāśvau śaṅkhaśobhinautūṇīravarasaṃpannau dvāvapi sma sudarśanau

रक्तचन्दनदिग्धाङ्गौ समदौ वृषभाविवआशीविषसमप्रख्यौ यमकालान्तकोपमौ

raktacandanadigdhāṅgau samadau vṛṣabhāvivaāśīviṣasamaprakhyau yamakālāntakopamau

इन्द्रवृत्राविव क्रुद्धौ सूर्याचन्द्रमसप्रभौमहाग्रहाविव क्रूरौ युगान्ते समुपस्थितौ

indravṛtrāviva kruddhau sūryācandramasaprabhaumahāgrahāviva krūrau yugānte samupasthitau

देवगर्भौ देवसमौ देवतुल्यौ च रूपतःसमेतौ पुरुषव्याघ्रौ प्रेक्ष्य कर्णधनंजयौ

devagarbhau devasamau devatulyau ca rūpataḥsametau puruṣavyāghrau prekṣya karṇadhanaṃjayau

उभौ वरायुधधरावुभौ रणकृतश्रमौउभौ च बाहुशब्देन नादयन्तौ नभस्तलम्

ubhau varāyudhadharāvubhau raṇakṛtaśramauubhau ca bāhuśabdena nādayantau nabhastalam

उभौ विश्रुतकर्माणौ पौरुषेण बलेन चउभौ च सदृशौ युद्धे शम्बरामरराजयोः

ubhau viśrutakarmāṇau pauruṣeṇa balena caubhau ca sadṛśau yuddhe śambarāmararājayoḥ

कार्तवीर्यसमौ युद्धे तथा दाशरथेः समौविष्णुवीर्यसमौ वीर्ये तथा भवसमौ युधि

kārtavīryasamau yuddhe tathā dāśaratheḥ samauviṣṇuvīryasamau vīrye tathā bhavasamau yudhi

उभौ श्वेतहयौ राजन्रथप्रवरवाहिनौसारथी प्रवरौ चैव तयोरास्तां महाबलौ

ubhau śvetahayau rājanrathapravaravāhinausārathī pravarau caiva tayorāstāṃ mahābalau

तौ तु दृष्ट्वा महाराज राजमानौ महारथौसिद्धचारणसंघानां विस्मयः समपद्यत

tau tu dṛṣṭvā mahārāja rājamānau mahārathausiddhacāraṇasaṃghānāṃ vismayaḥ samapadyata

धार्तराष्ट्रास्ततः कर्णं सबला भरतर्षभपरिवव्रुर्महात्मानं क्षिप्रमाहवशोभिनम्

dhārtarāṣṭrāstataḥ karṇaṃ sabalā bharatarṣabhaparivavrurmahātmānaṃ kṣipramāhavaśobhinam

तथैव पाण्डवा हृष्टा धृष्टद्युम्नपुरोगमाःपरिवव्रुर्महात्मानं पार्थमप्रतिमं युधि

tathaiva pāṇḍavā hṛṣṭā dhṛṣṭadyumnapurogamāḥparivavrurmahātmānaṃ pārthamapratimaṃ yudhi

तावकानां रणे कर्णो ग्लह आसीद्विशां पतेतथैव पाण्डवेयानां ग्लहः पार्थोऽभवद्युधि

tāvakānāṃ raṇe karṇo glaha āsīdviśāṃ patetathaiva pāṇḍaveyānāṃ glahaḥ pārtho'bhavadyudhi

त एव सभ्यास्तत्रासन्प्रेक्षकाश्चाभवन्स्म तेतत्रैषां ग्लहमानानां ध्रुवौ जयपराजयौ

ta eva sabhyāstatrāsanprekṣakāścābhavansma tetatraiṣāṃ glahamānānāṃ dhruvau jayaparājayau

ताभ्यां द्यूतं समायत्तं विजयायेतराय वाअस्माकं पाण्डवानां च स्थितानां रणमूर्धनि

tābhyāṃ dyūtaṃ samāyattaṃ vijayāyetarāya vāasmākaṃ pāṇḍavānāṃ ca sthitānāṃ raṇamūrdhani

तौ तु स्थितौ महाराज समरे युद्धशालिनौअन्योन्यं प्रतिसंरब्धावन्योन्यस्य जयैषिणौ

tau tu sthitau mahārāja samare yuddhaśālinauanyonyaṃ pratisaṃrabdhāvanyonyasya jayaiṣiṇau

तावुभौ प्रजिहीर्षेतामिन्द्रवृत्राविवाभितःभीमरूपधरावास्तां महाधूमाविव ग्रहौ

tāvubhau prajihīrṣetāmindravṛtrāvivābhitaḥbhīmarūpadharāvāstāṃ mahādhūmāviva grahau

ततोऽन्तरिक्षे साक्षेपा विवादा भरतर्षभमिथो भेदाश्च भूतानामासन्कर्णार्जुनान्तरेव्याश्रयन्त दिशो भिन्नाः सर्वलोकाश्च मारिष

tato'ntarikṣe sākṣepā vivādā bharatarṣabhamitho bhedāśca bhūtānāmāsankarṇārjunāntarevyāśrayanta diśo bhinnāḥ sarvalokāśca māriṣa

देवदानवगन्धर्वाः पिशाचोरगराक्षसाःप्रतिपक्षग्रहं चक्रुः कर्णार्जुनसमागमे

devadānavagandharvāḥ piśācoragarākṣasāḥpratipakṣagrahaṃ cakruḥ karṇārjunasamāgame

द्यौरासीत्कर्णतो व्यग्रा सनक्षत्रा विशां पतेभूमिर्विशाला पार्थस्य माता पुत्रस्य भारत

dyaurāsītkarṇato vyagrā sanakṣatrā viśāṃ patebhūmirviśālā pārthasya mātā putrasya bhārata

सरितः सागराश्चैव गिरयश्च नरोत्तमवृक्षाश्चौषधयस्तत्र व्याश्रयन्त किरीटिनम्

saritaḥ sāgarāścaiva girayaśca narottamavṛkṣāścauṣadhayastatra vyāśrayanta kirīṭinam

असुरा यातुधानाश्च गुह्यकाश्च परंतपकर्णतः समपद्यन्त खेचराणि वयांसि च

asurā yātudhānāśca guhyakāśca paraṃtapakarṇataḥ samapadyanta khecarāṇi vayāṃsi ca

रत्नानि निधयः सर्वे वेदाश्चाख्यानपञ्चमाःसोपवेदोपनिषदः सरहस्याः ससंग्रहाः

ratnāni nidhayaḥ sarve vedāścākhyānapañcamāḥsopavedopaniṣadaḥ sarahasyāḥ sasaṃgrahāḥ

वासुकिश्चित्रसेनश्च तक्षकश्चोपतक्षकःपर्वताश्च तथा सर्वे काद्रवेयाश्च सान्वयाःविषवन्तो महारोषा नागाश्चार्जुनतोऽभवन्

vāsukiścitrasenaśca takṣakaścopatakṣakaḥparvatāśca tathā sarve kādraveyāśca sānvayāḥviṣavanto mahāroṣā nāgāścārjunato'bhavan

ऐरावताः सौरभेया वैशालेयाश्च भोगिनःएतेऽभवन्नर्जुनतः क्षुद्रसर्पास्तु कर्णतः

airāvatāḥ saurabheyā vaiśāleyāśca bhoginaḥete'bhavannarjunataḥ kṣudrasarpāstu karṇataḥ

ईहामृगा व्याडमृगा मङ्गल्याश्च मृगद्विजाःपार्थस्य विजयं राजन्सर्व एवाभिसंश्रिताः

īhāmṛgā vyāḍamṛgā maṅgalyāśca mṛgadvijāḥpārthasya vijayaṃ rājansarva evābhisaṃśritāḥ

वसवो मरुतः साध्या रुद्रा विश्वेऽश्विनौ तथाअग्निरिन्द्रश्च सोमश्च पवनश्च दिशो दशधनंजयमुपाजग्मुरादित्याः कर्णतोऽभवन्

vasavo marutaḥ sādhyā rudrā viśve'śvinau tathāagnirindraśca somaśca pavanaśca diśo daśadhanaṃjayamupājagmurādityāḥ karṇato'bhavan

देवास्तु पितृभिः सार्धं सगणार्जुनतोऽभवन्यमो वैश्रवणश्चैव वरुणश्च यतोऽर्जुनः

devāstu pitṛbhiḥ sārdhaṃ sagaṇārjunato'bhavanyamo vaiśravaṇaścaiva varuṇaśca yato'rjunaḥ

देवब्रह्मनृपर्षीणां गणाः पाण्डवतोऽभवन्तुम्बुरुप्रमुखा राजन्गन्धर्वाश्च यतोऽर्जुनः

devabrahmanṛparṣīṇāṃ gaṇāḥ pāṇḍavato'bhavantumburupramukhā rājangandharvāśca yato'rjunaḥ

प्रावेयाः सह मौनेयैर्गन्धर्वाप्सरसां गणाःईहामृगव्याडमृगैर्द्विपाश्च रथपत्तिभिः

prāveyāḥ saha mauneyairgandharvāpsarasāṃ gaṇāḥīhāmṛgavyāḍamṛgairdvipāśca rathapattibhiḥ

उह्यमानास्तथा मेघैर्वायुना च मनीषिणःदिदृक्षवः समाजग्मुः कर्णार्जुनसमागमम्

uhyamānāstathā meghairvāyunā ca manīṣiṇaḥdidṛkṣavaḥ samājagmuḥ karṇārjunasamāgamam

देवदानवगन्धर्वा नागा यक्षाः पतत्रिणःमहर्षयो वेदविदः पितरश्च स्वधाभुजः

devadānavagandharvā nāgā yakṣāḥ patatriṇaḥmaharṣayo vedavidaḥ pitaraśca svadhābhujaḥ

तपो विद्यास्तथौषध्यो नानारूपाम्बरत्विषःअन्तरिक्षे महाराज विनदन्तोऽवतस्थिरे

tapo vidyāstathauṣadhyo nānārūpāmbaratviṣaḥantarikṣe mahārāja vinadanto'vatasthire

ब्रह्मा ब्रह्मर्षिभिः सार्धं प्रजापतिभिरेव चभवेनावस्थितो यानं दिव्यं तं देशमभ्ययात्

brahmā brahmarṣibhiḥ sārdhaṃ prajāpatibhireva cabhavenāvasthito yānaṃ divyaṃ taṃ deśamabhyayāt

दृष्ट्वा प्रजापतिं देवाः स्वयंभुवमुपागमन्समोऽस्तु देव विजय एतयोर्नरसिंहयोः

dṛṣṭvā prajāpatiṃ devāḥ svayaṃbhuvamupāgamansamo'stu deva vijaya etayornarasiṃhayoḥ

तदुपश्रुत्य मघवा प्रणिपत्य पितामहम्कर्णार्जुनविनाशेन मा नश्यत्वखिलं जगत्

tadupaśrutya maghavā praṇipatya pitāmahamkarṇārjunavināśena mā naśyatvakhilaṃ jagat

स्वयंभो ब्रूहि तद्वाक्यं समोऽस्तु विजयोऽनयोःतत्तथास्तु नमस्तेऽस्तु प्रसीद भगवन्मम

svayaṃbho brūhi tadvākyaṃ samo'stu vijayo'nayoḥtattathāstu namaste'stu prasīda bhagavanmama

ब्रह्मेशानावथो वाक्यमूचतुस्त्रिदशेश्वरम्विजयो ध्रुव एवास्तु विजयस्य महात्मनः

brahmeśānāvatho vākyamūcatustridaśeśvaramvijayo dhruva evāstu vijayasya mahātmanaḥ

मनस्वी बलवाञ्शूरः कृतास्त्रश्च तपोधनःबिभर्ति च महातेजा धनुर्वेदमशेषतः

manasvī balavāñśūraḥ kṛtāstraśca tapodhanaḥbibharti ca mahātejā dhanurvedamaśeṣataḥ

अतिक्रमेच्च माहात्म्याद्दिष्टमेतस्य पर्ययात्अतिक्रान्ते च लोकानामभावो नियतो भवेत्

atikramecca māhātmyāddiṣṭametasya paryayātatikrānte ca lokānāmabhāvo niyato bhavet

न विद्यते व्यवस्थानं कृष्णयोः क्रुद्धयोः क्वचित्स्रष्टारौ ह्यसतश्चोभौ सतश्च पुरुषर्षभौ

na vidyate vyavasthānaṃ kṛṣṇayoḥ kruddhayoḥ kvacitsraṣṭārau hyasataścobhau sataśca puruṣarṣabhau

नरनारायणावेतौ पुराणावृषिसत्तमौअनियत्तौ नियन्तारावभीतौ स्म परंतपौ

naranārāyaṇāvetau purāṇāvṛṣisattamauaniyattau niyantārāvabhītau sma paraṃtapau

कर्णो लोकानयं मुख्यान्प्राप्नोतु पुरुषर्षभःवीरो वैकर्तनः शूरो विजयस्त्वस्तु कृष्णयोः

karṇo lokānayaṃ mukhyānprāpnotu puruṣarṣabhaḥvīro vaikartanaḥ śūro vijayastvastu kṛṣṇayoḥ

वसूनां च सलोकत्वं मरुतां वा समाप्नुयात्सहितो द्रोणभीष्माभ्यां नाकलोके महीयताम्

vasūnāṃ ca salokatvaṃ marutāṃ vā samāpnuyātsahito droṇabhīṣmābhyāṃ nākaloke mahīyatām

इत्युक्तो देवदेवाभ्यां सहस्राक्षोऽब्रवीद्वचःआमन्त्र्य सर्वभूतानि ब्रह्मेशानानुशासनात्

ityukto devadevābhyāṃ sahasrākṣo'bravīdvacaḥāmantrya sarvabhūtāni brahmeśānānuśāsanāt

श्रुतं भवद्भिर्यत्प्रोक्तं भगवद्भ्यां जगद्धितम्तत्तथा नान्यथा तद्धि तिष्ठध्वं गतमन्यवः

śrutaṃ bhavadbhiryatproktaṃ bhagavadbhyāṃ jagaddhitamtattathā nānyathā taddhi tiṣṭhadhvaṃ gatamanyavaḥ

इति श्रुत्वेन्द्रवचनं सर्वभूतानि मारिषविस्मितान्यभवन्राजन्पूजयां चक्रिरे च तत्

iti śrutvendravacanaṃ sarvabhūtāni māriṣavismitānyabhavanrājanpūjayāṃ cakrire ca tat

व्यसृजंश्च सुगन्धीनि नानारूपाणि खात्तथापुष्पवर्षाणि विबुधा देवतूर्याण्यवादयन्

vyasṛjaṃśca sugandhīni nānārūpāṇi khāttathāpuṣpavarṣāṇi vibudhā devatūryāṇyavādayan

दिदृक्षवश्चाप्रतिमं द्वैरथं नरसिंहयोःदेवदानवगन्धर्वाः सर्व एवावतस्थिरेरथौ च तौ श्वेतहयौ युक्तकेतू महास्वनौ

didṛkṣavaścāpratimaṃ dvairathaṃ narasiṃhayoḥdevadānavagandharvāḥ sarva evāvatasthirerathau ca tau śvetahayau yuktaketū mahāsvanau

समागता लोकवीराः शङ्खान्दध्मुः पृथक्पृथक्वासुदेवार्जुनौ वीरौ कर्णशल्यौ च भारत

samāgatā lokavīrāḥ śaṅkhāndadhmuḥ pṛthakpṛthakvāsudevārjunau vīrau karṇaśalyau ca bhārata

तद्भीरुसंत्रासकरं युद्धं समभवत्तदाअन्योन्यस्पर्धिनोर्वीर्ये शक्रशम्बरयोरिव

tadbhīrusaṃtrāsakaraṃ yuddhaṃ samabhavattadāanyonyaspardhinorvīrye śakraśambarayoriva

तयोर्ध्वजौ वीतमालौ शुशुभाते रथस्थितौपृथग्रूपौ समार्छन्तौ क्रोधं युद्धे परस्परम्

tayordhvajau vītamālau śuśubhāte rathasthitaupṛthagrūpau samārchantau krodhaṃ yuddhe parasparam

कर्णस्याशीविषनिभा रत्नसारवती दृढापुरंदरधनुःप्रख्या हस्तिकक्ष्या व्यराजत

karṇasyāśīviṣanibhā ratnasāravatī dṛḍhāpuraṃdaradhanuḥprakhyā hastikakṣyā vyarājata

कपिश्रेष्ठस्तु पार्थस्य व्यादितास्यो भयंकरःभीषयन्नेव दंष्ट्राभिर्दुर्निरीक्ष्यो रविर्यथा

kapiśreṣṭhastu pārthasya vyāditāsyo bhayaṃkaraḥbhīṣayanneva daṃṣṭrābhirdurnirīkṣyo raviryathā

युद्धाभिलाषुको भूत्वा ध्वजो गाण्डीवधन्वनःकर्णध्वजमुपातिष्ठत्सोऽवदीदभिनर्दयन्

yuddhābhilāṣuko bhūtvā dhvajo gāṇḍīvadhanvanaḥkarṇadhvajamupātiṣṭhatso'vadīdabhinardayan

उत्पत्य च महावेगः कक्ष्यामभ्यहनत्कपिःनखैश्च दशनैश्चैव गरुडः पन्नगं यथा

utpatya ca mahāvegaḥ kakṣyāmabhyahanatkapiḥnakhaiśca daśanaiścaiva garuḍaḥ pannagaṃ yathā

सुकिङ्किणीकाभरणा कालपाशोपमायसीअभ्यद्रवत्सुसंक्रुद्धा नागकक्ष्या महाकपिम्

sukiṅkiṇīkābharaṇā kālapāśopamāyasīabhyadravatsusaṃkruddhā nāgakakṣyā mahākapim

उभयोरुत्तमे युद्धे द्वैरथे द्यूत आहृतेप्रकुर्वाते ध्वजौ युद्धं प्रत्यहेषन्हयान्हयाः

ubhayoruttame yuddhe dvairathe dyūta āhṛteprakurvāte dhvajau yuddhaṃ pratyaheṣanhayānhayāḥ

अविध्यत्पुण्डरीकाक्षः शल्यं नयनसायकैःस चापि पुण्डरीकाक्षं तथैवाभिसमैक्षत

avidhyatpuṇḍarīkākṣaḥ śalyaṃ nayanasāyakaiḥsa cāpi puṇḍarīkākṣaṃ tathaivābhisamaikṣata

तत्राजयद्वासुदेवः शल्यं नयनसायकैःकर्णं चाप्यजयद्दृष्ट्या कुन्तीपुत्रो धनंजयः

tatrājayadvāsudevaḥ śalyaṃ nayanasāyakaiḥkarṇaṃ cāpyajayaddṛṣṭyā kuntīputro dhanaṃjayaḥ

अथाब्रवीत्सूतपुत्रः शल्यमाभाष्य सस्मितम्यदि पार्थो रणे हन्यादद्य मामिह कर्हिचित्किमुत्तरं तदा ते स्यात्सखे सत्यं ब्रवीहि मे

athābravītsūtaputraḥ śalyamābhāṣya sasmitamyadi pārtho raṇe hanyādadya māmiha karhicitkimuttaraṃ tadā te syātsakhe satyaṃ bravīhi me

शल्य उवाच · śalya uvāca

यदि कर्ण रणे हन्यादद्य त्वां श्वेतवाहनःउभावेकरथेनाहं हन्यां माधवपाण्डवौ

yadi karṇa raṇe hanyādadya tvāṃ śvetavāhanaḥubhāvekarathenāhaṃ hanyāṃ mādhavapāṇḍavau

संजय उवाच · saṃjaya uvāca

एवमेव तु गोविंदमर्जुनः प्रत्यभाषततं प्रहस्याब्रवीत्कृष्णः पार्थं परमिदं वचः

evameva tu goviṃdamarjunaḥ pratyabhāṣatataṃ prahasyābravītkṛṣṇaḥ pārthaṃ paramidaṃ vacaḥ

पतेद्दिवाकरः स्थानाच्छीर्येतानेकधा क्षितिःशैत्यमग्निरियान्न त्वा कर्णो हन्याद्धनंजयम्

pateddivākaraḥ sthānācchīryetānekadhā kṣitiḥśaityamagniriyānna tvā karṇo hanyāddhanaṃjayam

यदि त्वेवं कथंचित्स्याल्लोकपर्यसनं यथाहन्यां कर्णं तथा शल्यं बाहुभ्यामेव संयुगे

yadi tvevaṃ kathaṃcitsyāllokaparyasanaṃ yathāhanyāṃ karṇaṃ tathā śalyaṃ bāhubhyāmeva saṃyuge

इति कृष्णवचः श्रुत्वा प्रहसन्कपिकेतनःअर्जुनः प्रत्युवाचेदं कृष्णमक्लिष्टकारिणम्ममाप्येतावपर्याप्तौ कर्णशल्यौ जनार्दन

iti kṛṣṇavacaḥ śrutvā prahasankapiketanaḥarjunaḥ pratyuvācedaṃ kṛṣṇamakliṣṭakāriṇammamāpyetāvaparyāptau karṇaśalyau janārdana

सपताकाध्वजं कर्णं सशल्यरथवाजिनम्सच्छत्रकवचं चैव सशक्तिशरकार्मुकम्

sapatākādhvajaṃ karṇaṃ saśalyarathavājinamsacchatrakavacaṃ caiva saśaktiśarakārmukam

द्रष्टास्यद्य शरैः कर्णं रणे कृत्तमनेकधाअद्यैनं सरथं साश्वं सशक्तिकवचायुधम्न हि मे शाम्यते वैरं कृष्णां यत्प्राहसत्पुरा

draṣṭāsyadya śaraiḥ karṇaṃ raṇe kṛttamanekadhāadyainaṃ sarathaṃ sāśvaṃ saśaktikavacāyudhamna hi me śāmyate vairaṃ kṛṣṇāṃ yatprāhasatpurā

अद्य द्रष्टासि गोविन्द कर्णमुन्मथितं मयावारणेनेव मत्तेन पुष्पितं जगतीरुहम्

adya draṣṭāsi govinda karṇamunmathitaṃ mayāvāraṇeneva mattena puṣpitaṃ jagatīruham

अद्य ता मधुरा वाचः श्रोतासि मधुसूदनअद्याभिमन्युजननीमनृणः सान्त्वयिष्यसिकुन्तीं पितृष्वसारं च संप्रहृष्टो जनार्दन

adya tā madhurā vācaḥ śrotāsi madhusūdanaadyābhimanyujananīmanṛṇaḥ sāntvayiṣyasikuntīṃ pitṛṣvasāraṃ ca saṃprahṛṣṭo janārdana

अद्य बाष्पमुखीं कृष्णां सान्त्वयिष्यसि माधववाग्भिश्चामृतकल्पाभिर्धर्मराजं युधिष्ठिरम्

adya bāṣpamukhīṃ kṛṣṇāṃ sāntvayiṣyasi mādhavavāgbhiścāmṛtakalpābhirdharmarājaṃ yudhiṣṭhiram