Mandala.Sukta 1.3

मधुच्छन्दा वैश्वामित्रः। १-३ अश्विनौ, ४-६ इन्द्र, ७-९ विश्वेदेवाः, · madhucchandā vaiśvāmitraḥ | 1-3 aśvinau, 4-6 indra, 7-9 viśvedevāḥ,

१०-१२ सरस्वती।गायत्री।अश्वि॑ना॒ यज्व॑री॒रिषो॒ द्रव॑त्पाणी॒ शुभ॑स्पती।पुरु॑भुजा चन॒स्यत॑म्॥

10-12 sarasvatī |gāyatrī |aśvinā yajvarīriṣo dravatpāṇī śubhaspatī |purubhujā canasyatam ||

अश्वि॑ना॒ पुरु॑दंससा॒ नरा॒ शवी॑रया धि॒या।धिष्ण्या॒ वन॑तं॒ गिर॑:॥

aśvinā purudaṃsasā narā śavīrayā dhiyā |dhiṣṇyā vanataṃ gira: ||

दस्रा॑ यु॒वाक॑वः सु॒ता नास॑त्या वृ॒क्तब॑र्हिषः।आ या॑तं रुद्रवर्तनी॥

dasrā yuvākavaḥ sutā nāsatyā vṛktabarhiṣaḥ |ā yātaṃ rudravartanī ||

इन्द्रा या॑हि चित्रभानो सु॒ता इ॒मे त्वा॒यव॑:।अण्वी॑भि॒स्तना॑ पू॒तास॑:॥

indrā yāhi citrabhāno sutā ime tvāyava: |aṇvībhistanā pūtāsa: ||

इन्द्रा या॑हि धि॒येषि॒तो विप्र॑जूतः सु॒ताव॑तः।उप॒ ब्रह्मा॑णि वा॒घत॑:॥

indrā yāhi dhiyeṣito viprajūtaḥ sutāvataḥ |upa brahmāṇi vāghata: ||

इन्द्रा या॑हि॒ तूतु॑जान॒ उप॒ ब्रह्मा॑णि हरिवः।सु॒ते द॑धिष्व न॒श्चन॑:॥

indrā yāhi tūtujāna upa brahmāṇi harivaḥ |sute dadhiṣva naścana: ||

ओमा॑सश्चर्षणीधृतो॒ विश्वे॑ देवास॒ आ ग॑त।दा॒श्वांसो॑ दा॒शुष॑: सु॒तम्॥

omāsaścarṣaṇīdhṛto viśve devāsa ā gata |dāśvāṃso dāśuṣa: sutam ||

विश्वे॑ दे॒वासो॑ अ॒प्तुर॑: सु॒तमा ग॑न्त॒ तूर्ण॑यः।उ॒स्रा इ॑व॒ स्वस॑राणि॥

viśve devāso aptura: sutamā ganta tūrṇayaḥ |usrā iva svasarāṇi ||

विश्वे॑ दे॒वासो॑ अ॒स्रिध॒ एहि॑मायासो अ॒द्रुह॑:।मेधं॑ जुषन्त॒ वह्न॑यः॥९पा॒व॒का न॒: सर॑स्वती॒ वाजे॑भिर्वा॒जिनी॑वती।य॒ज्ञं व॑ष्टु धि॒याव॑सुः॥

viśve devāso asridha ehimāyāso adruha: |medhaṃ juṣanta vahnayaḥ ||9pāvakā na: sarasvatī vājebhirvājinīvatī |yajñaṃ vaṣṭu dhiyāvasuḥ ||

चो॒द॒यि॒त्री सू॒नृता॑नां॒ चेत॑न्ती सुमती॒नाम्।य॒ज्ञं द॑धे॒ सर॑स्वती॥

codayitrī sūnṛtānāṃ cetantī sumatīnām |yajñaṃ dadhe sarasvatī ||

म॒हो अर्ण॒: सर॑स्वती॒ प्र चे॑तयति के॒तुना॑।धियो॒ विश्वा॒ वि रा॑जति॥

maho arṇa: sarasvatī pra cetayati ketunā |dhiyo viśvā vi rājati ||