Mandala.Sukta 1.69

पराशरः शाक्त्यः। अग्निः। द्विपदा विराट्। · parāśaraḥ śāktyaḥ | agniḥ | dvipadā virāṭ |

शु॒क्रः शु॑शु॒क्वाँ, उ॒षो न जा॒रः प॒प्रा स॑मी॒ची, दि॒वो न ज्योति॑:॥

śukraḥ śuśukvām̐, uṣo na jāraḥ paprā samīcī, divo na jyoti: ||

परि॒ प्रजा॑त॒:, क्रत्वा॑ बभूथ॒ भुवो॑ दे॒वानां॑, पि॒ता पु॒त्रः सन्॥

pari prajāta:, kratvā babhūtha bhuvo devānāṃ, pitā putraḥ san ||

वे॒धा अदृ॑प्तो, अ॒ग्निर्वि॑जा॒नन्नूध॒र्न गोनां॒, स्वाद्मा॑ पितू॒नाम्॥

vedhā adṛpto, agnirvijānannūdharna gonāṃ, svādmā pitūnām ||

जने॒ न शेव॑, आ॒हूर्य॒: सन् मध्ये॒ निष॑त्तो, र॒ण्वो दु॑रो॒णे॥

jane na śeva, āhūrya: san madhye niṣatto, raṇvo duroṇe ||

पु॒त्रो न जा॒तो, र॒ण्वो दु॑रो॒णे वा॒जी न प्री॒तो विशो॒ वि ता॑रीत्॥

putro na jāto, raṇvo duroṇe vājī na prīto viśo vi tārīt ||

विशो॒ यदह्वे॒, नृभि॒: सनी॑ळा अ॒ग्निर्दे॑व॒त्वा, विश्वा॑न्यश्याः॥

viśo yadahve, nṛbhi: sanīḷā agnirdevatvā, viśvānyaśyāḥ ||

६॥नकि॑ष्ट ए॒ता, व्र॒ता मि॑नन्ति॒ नृभ्यो॒ यदे॒भ्यः, श्रु॒ष्टिं च॒कर्थ॑॥

6 ||nakiṣṭa etā, vratā minanti nṛbhyo yadebhyaḥ, śruṣṭiṃ cakartha ||

तत् तु ते॒ दंसो॒, यदह॑न्त्समा॒नैर्नृभि॒र्यद् यु॒क्तो, वि॒वे रपां॑सि॥

tat tu te daṃso, yadahantsamānairnṛbhiryad yukto, vive rapāṃsi ||

८॥उ॒षो न जा॒रो, वि॒भावो॒स्रः संज्ञा॑तरूप॒श्चिके॑तदस्मै॥

8 ||uṣo na jāro, vibhāvosraḥ saṃjñātarūpaściketadasmai ||

त्मना॒ वह॑न्तो॒ दुरो॒ व्यृ॑ण्व॒न् नव॑न्त॒ विश्वे॒ स्व १ र्दृशी॑के॥

tmanā vahanto duro vyṛṇvan navanta viśve sva 1 rdṛśīke ||