Mandala.Sukta 5.68

यजत आत्रेयः। मित्रावरुणौ। गायत्री। · yajata ātreyaḥ | mitrāvaruṇau | gāyatrī |

प्र वो॑ मि॒त्राय॑ गायत॒ वरु॑णाय वि॒पा गि॒रा ।महि॑क्षत्रावृ॒तं बृ॒हत्॥

pra vo mitrāya gāyata varuṇāya vipā girā |mahikṣatrāvṛtaṃ bṛhat ||

स॒म्राजा॒ या घृ॒तयो॑नी मि॒त्रश्चो॒भा वरु॑णश्च ।दे॒वा दे॒वेषु॑ प्रश॒स्ता॥

samrājā yā ghṛtayonī mitraścobhā varuṇaśca |devā deveṣu praśastā ||

ता न॑: शक्तं॒ पार्थि॑वस्य म॒हो रा॒यो दि॒व्यस्य॑ ।महि॑ वां क्ष॒त्रं दे॒वेषु॑॥

tā na: śaktaṃ pārthivasya maho rāyo divyasya |mahi vāṃ kṣatraṃ deveṣu ||

ऋ॒तमृ॒तेन॒ सप॑न्तेषि॒रं दक्ष॑माशाते ।अ॒द्रुहा॑ दे॒वौ व॑र्धेते॥

ṛtamṛtena sapanteṣiraṃ dakṣamāśāte |adruhā devau vardhete ||

वृ॒ष्टिद्या॑वा री॒त्या॑पे॒षस्पती॒ दानु॑मत्याः ।बृ॒हन्तं॒ गर्त॑माशाते॥

vṛṣṭidyāvā rītyāpeṣaspatī dānumatyāḥ |bṛhantaṃ gartamāśāte ||