Mandala.Sukta 8.30

मनुर्वैवस्वत: । विश्वे देवा: । १ गायत्री , २ पुरउष्णिक् , ३ बृहती , ४ अनुष्टुप् । · manurvaivasvata: | viśve devā: | 1 gāyatrī , 2 purauṣṇik , 3 bṛhatī , 4 anuṣṭup |

न॒हि वो॒ अस्त्य॑र्भ॒को देवा॑सो॒ न कु॑मार॒कः ।विश्वे॑ स॒तोम॑हान्त॒ इत्॥

nahi vo astyarbhako devāso na kumārakaḥ |viśve satomahānta it ||

इति॑ स्तु॒तासो॑ असथा रिशादसो॒ ये स्थ त्रय॑श्च त्रिं॒शच्च॑ ।मनो॑र्देवा यज्ञियासः॥

iti stutāso asathā riśādaso ye stha trayaśca triṃśacca |manordevā yajñiyāsaḥ ||

ते न॑स्त्राध्वं॒ ते॑ऽवत॒ त उ॑ नो॒ अधि॑ वोचत ।मा न॑: प॒थः पित्र्या॑न्मान॒वादधि॑ दू॒रं नै॑ष्ट परा॒वत॑:॥

te nastrādhvaṃ te'vata ta u no adhi vocata |mā na: pathaḥ pitryānmānavādadhi dūraṃ naiṣṭa parāvata: ||

ये दे॑वास इ॒ह स्थन॒ विश्वे॑ वैश्वान॒रा उ॒त ।अ॒स्मभ्यं॒ शर्म॑ स॒प्रथो॒ गवेऽश्वा॑य यच्छत॥

ye devāsa iha sthana viśve vaiśvānarā uta |asmabhyaṃ śarma sapratho gave'śvāya yacchata ||