Parva.Adhyaya 7.13

संजय उवाच · saṃjaya uvāca

ततः स पाण्डवानीके जनयंस्तुमुलं महत्व्यचरत्पाण्डवान्द्रोणो दहन्कक्षमिवानलः

tataḥ sa pāṇḍavānīke janayaṃstumulaṃ mahatvyacaratpāṇḍavāndroṇo dahankakṣamivānalaḥ

निर्दहन्तमनीकानि साक्षादग्निमिवोत्थितम्दृष्ट्वा रुक्मरथं युद्धे समकम्पन्त सृञ्जयाः

nirdahantamanīkāni sākṣādagnimivotthitamdṛṣṭvā rukmarathaṃ yuddhe samakampanta sṛñjayāḥ

प्रततं चास्यमानस्य धनुषोऽस्याशुकारिणःज्याघोषः श्रूयतेऽत्यर्थं विस्फूर्जितमिवाशनेः

pratataṃ cāsyamānasya dhanuṣo'syāśukāriṇaḥjyāghoṣaḥ śrūyate'tyarthaṃ visphūrjitamivāśaneḥ

रथिनः सादिनश्चैव नागानश्वान्पदातिनःरौद्रा हस्तवता मुक्ताः प्रमथ्नन्ति स्म सायकाः

rathinaḥ sādinaścaiva nāgānaśvānpadātinaḥraudrā hastavatā muktāḥ pramathnanti sma sāyakāḥ

नानद्यमानः पर्जन्यः सानिलः शुचिसंक्षयेअश्मवर्षमिवावर्षत्परेषामावहद्भयम्

nānadyamānaḥ parjanyaḥ sānilaḥ śucisaṃkṣayeaśmavarṣamivāvarṣatpareṣāmāvahadbhayam

व्यचरत्स तदा राजन्सेनां विक्षोभयन्प्रभुःवर्धयामास संत्रासं शात्रवाणाममानुषम्

vyacaratsa tadā rājansenāṃ vikṣobhayanprabhuḥvardhayāmāsa saṃtrāsaṃ śātravāṇāmamānuṣam

तस्य विद्युदिवाभ्रेषु चापं हेमपरिष्कृतम्भ्रमद्रथाम्बुदे तस्मिन्दृश्यते स्म पुनः पुनः

tasya vidyudivābhreṣu cāpaṃ hemapariṣkṛtambhramadrathāmbude tasmindṛśyate sma punaḥ punaḥ

स वीरः सत्यवान्प्राज्ञो धर्मनित्यः सुदारुणःयुगान्तकाले यन्तेव रौद्रां प्रास्कन्दयन्नदीम्

sa vīraḥ satyavānprājño dharmanityaḥ sudāruṇaḥyugāntakāle yanteva raudrāṃ prāskandayannadīm

अमर्षवेगप्रभवां क्रव्यादगणसंकुलाम्बलौघैः सर्वतः पूर्णां वीरवृक्षापहारिणीम्

amarṣavegaprabhavāṃ kravyādagaṇasaṃkulāmbalaughaiḥ sarvataḥ pūrṇāṃ vīravṛkṣāpahāriṇīm

शोणितोदां रथावर्तां हस्त्यश्वकृतरोधसम्कवचोडुपसंयुक्तां मांसपङ्कसमाकुलाम्

śoṇitodāṃ rathāvartāṃ hastyaśvakṛtarodhasamkavacoḍupasaṃyuktāṃ māṃsapaṅkasamākulām

मेदोमज्जास्थिसिकतामुष्णीषवरफेनिलाम्संग्रामजलदापूर्णां प्रासमत्स्यसमाकुलाम्

medomajjāsthisikatāmuṣṇīṣavaraphenilāmsaṃgrāmajaladāpūrṇāṃ prāsamatsyasamākulām

नरनागाश्वसंभूतां शरवेगौघवाहिनीम्शरीरदारुशृङ्गाटां भुजनागसमाकुलाम्

naranāgāśvasaṃbhūtāṃ śaravegaughavāhinīmśarīradāruśṛṅgāṭāṃ bhujanāgasamākulām

उत्तमाङ्गोपलतलां निस्त्रिंशझषसेविताम्रथनागह्रदोपेतां नानाभरणनीरजाम्

uttamāṅgopalatalāṃ nistriṃśajhaṣasevitāmrathanāgahradopetāṃ nānābharaṇanīrajām

महारथशतावर्तां भूमिरेणूर्मिमालिनीम्महावीर्यवतां संख्ये सुतरां भीरुदुस्तराम्

mahārathaśatāvartāṃ bhūmireṇūrmimālinīmmahāvīryavatāṃ saṃkhye sutarāṃ bhīrudustarām

शूरव्यालसमाकीर्णां प्राणिवाणिजसेविताम्छिन्नच्छत्रमहाहंसां मुकुटाण्डजसंकुलाम्

śūravyālasamākīrṇāṃ prāṇivāṇijasevitāmchinnacchatramahāhaṃsāṃ mukuṭāṇḍajasaṃkulām

चक्रकूर्मां गदानक्रां शरक्षुद्रझषाकुलाम्बडगृध्रसृगालानां घोरसंघैर्निषेविताम्

cakrakūrmāṃ gadānakrāṃ śarakṣudrajhaṣākulāmbaḍagṛdhrasṛgālānāṃ ghorasaṃghairniṣevitām

निहतान्प्राणिनः संख्ये द्रोणेन बलिना शरैःवहन्तीं पितृलोकाय शतशो राजसत्तम

nihatānprāṇinaḥ saṃkhye droṇena balinā śaraiḥvahantīṃ pitṛlokāya śataśo rājasattama

शरीरशतसंबाधां केशशैवलशाद्वलाम्नदीं प्रावर्तयद्राजन्भीरूणां भयवर्धिनीम्

śarīraśatasaṃbādhāṃ keśaśaivalaśādvalāmnadīṃ prāvartayadrājanbhīrūṇāṃ bhayavardhinīm

तं जयन्तमनीकानि तानि तान्येव भारतसर्वतोऽभ्यद्रवन्द्रोणं युधिष्ठिरपुरोगमाः

taṃ jayantamanīkāni tāni tānyeva bhāratasarvato'bhyadravandroṇaṃ yudhiṣṭhirapurogamāḥ

तानभिद्रवतः शूरांस्तावका दृढकार्मुकाःसर्वतः प्रत्यगृह्णन्त तदभूल्लोमहर्षणम्

tānabhidravataḥ śūrāṃstāvakā dṛḍhakārmukāḥsarvataḥ pratyagṛhṇanta tadabhūllomaharṣaṇam

शतमायस्तु शकुनिः सहदेवं समाद्रवत्सनियन्तृध्वजरथं विव्याध निशितैः शरैः

śatamāyastu śakuniḥ sahadevaṃ samādravatsaniyantṛdhvajarathaṃ vivyādha niśitaiḥ śaraiḥ

तस्य माद्रीसुतः केतुं धनुः सूतं हयानपिनातिक्रुद्धः शरैश्छित्त्वा षष्ट्या विव्याध मातुलम्

tasya mādrīsutaḥ ketuṃ dhanuḥ sūtaṃ hayānapinātikruddhaḥ śaraiśchittvā ṣaṣṭyā vivyādha mātulam

सौबलस्तु गदां गृह्य प्रचस्कन्द रथोत्तमात्स तस्य गदया राजन्रथात्सूतमपातयत्

saubalastu gadāṃ gṛhya pracaskanda rathottamātsa tasya gadayā rājanrathātsūtamapātayat

ततस्तौ विरथौ राजन्गदाहस्तौ महाबलौचिक्रीडतू रणे शूरौ सशृङ्गाविव पर्वतौ

tatastau virathau rājangadāhastau mahābalaucikrīḍatū raṇe śūrau saśṛṅgāviva parvatau

द्रोणः पाञ्चालराजानं विद्ध्वा दशभिराशुगैःबहुभिस्तेन चाभ्यस्तस्तं विव्याध शताधिकैः

droṇaḥ pāñcālarājānaṃ viddhvā daśabhirāśugaiḥbahubhistena cābhyastastaṃ vivyādha śatādhikaiḥ

विविंशतिं भीमसेनो विंशत्या निशितैः शरैःविद्ध्वा नाकम्पयद्वीरस्तदद्भुतमिवाभवत्

viviṃśatiṃ bhīmaseno viṃśatyā niśitaiḥ śaraiḥviddhvā nākampayadvīrastadadbhutamivābhavat

विविंशतिस्तु सहसा व्यश्वकेतुशरासनम्भीमं चक्रे महाराज ततः सैन्यान्यपूजयन्

viviṃśatistu sahasā vyaśvaketuśarāsanambhīmaṃ cakre mahārāja tataḥ sainyānyapūjayan

स तन्न ममृषे वीरः शत्रोर्विजयमाहवेततोऽस्य गदया दान्तान्हयान्सर्वानपातयत्

sa tanna mamṛṣe vīraḥ śatrorvijayamāhavetato'sya gadayā dāntānhayānsarvānapātayat

शल्यस्तु नकुलं वीरः स्वस्रीयं प्रियमात्मनःविव्याध प्रहसन्बाणैर्लाडयन्कोपयन्निव

śalyastu nakulaṃ vīraḥ svasrīyaṃ priyamātmanaḥvivyādha prahasanbāṇairlāḍayankopayanniva

तस्याश्वानातपत्रं च ध्वजं सूतमथो धनुःनिपात्य नकुलः संख्ये शङ्खं दध्मौ प्रतापवान्

tasyāśvānātapatraṃ ca dhvajaṃ sūtamatho dhanuḥnipātya nakulaḥ saṃkhye śaṅkhaṃ dadhmau pratāpavān

धृष्टकेतुः कृपेनास्ताञ्छित्त्वा बहुविधाञ्शरान्कृपं विव्याध सप्तत्या लक्ष्म चास्याहरत्त्रिभिः

dhṛṣṭaketuḥ kṛpenāstāñchittvā bahuvidhāñśarānkṛpaṃ vivyādha saptatyā lakṣma cāsyāharattribhiḥ

तं कृपः शरवर्षेण महता समवाकिरत्निवार्य च रणे विप्रो धृष्टकेतुमयोधयत्

taṃ kṛpaḥ śaravarṣeṇa mahatā samavākiratnivārya ca raṇe vipro dhṛṣṭaketumayodhayat

सात्यकिः कृतवर्माणं नाराचेन स्तनान्तरेविद्ध्वा विव्याध सप्तत्या पुनरन्यैः स्मयन्निव

sātyakiḥ kṛtavarmāṇaṃ nārācena stanāntareviddhvā vivyādha saptatyā punaranyaiḥ smayanniva

सप्तसप्ततिभिर्भोजस्तं विद्ध्वा निशितैः शरैःनाकम्पयत शैनेयं शीघ्रो वायुरिवाचलम्

saptasaptatibhirbhojastaṃ viddhvā niśitaiḥ śaraiḥnākampayata śaineyaṃ śīghro vāyurivācalam

सेनापतिः सुशर्माणं शीघ्रं मर्मस्वताडयत्स चापि तं तोमरेण जत्रुदेशे अताडयत्

senāpatiḥ suśarmāṇaṃ śīghraṃ marmasvatāḍayatsa cāpi taṃ tomareṇa jatrudeśe atāḍayat

वैकर्तनं तु समरे विराटः प्रत्यवारयत्सह मत्स्यैर्महावीर्यैस्तदद्भुतमिवाभवत्

vaikartanaṃ tu samare virāṭaḥ pratyavārayatsaha matsyairmahāvīryaistadadbhutamivābhavat

तत्पौरुषमभूत्तत्र सूतपुत्रस्य दारुणम्यत्सैन्यं वारयामास शरैः संनतपर्वभिः

tatpauruṣamabhūttatra sūtaputrasya dāruṇamyatsainyaṃ vārayāmāsa śaraiḥ saṃnataparvabhiḥ

द्रुपदस्तु स्वयं राजा भगदत्तेन संगतःतयोर्युद्धं महाराज चित्ररूपमिवाभवत्भूतानां त्रासजननं चक्रातेऽस्त्रविशारदौ

drupadastu svayaṃ rājā bhagadattena saṃgataḥtayoryuddhaṃ mahārāja citrarūpamivābhavatbhūtānāṃ trāsajananaṃ cakrāte'straviśāradau

भूरिश्रवा रणे राजन्याज्ञसेनिं महारथम्महता सायकौघेन छादयामास वीर्यवान्

bhūriśravā raṇe rājanyājñaseniṃ mahārathammahatā sāyakaughena chādayāmāsa vīryavān

शिखण्डी तु ततः क्रुद्धः सौमदत्तिं विशां पतेनवत्या सायकानां तु कम्पयामास भारत

śikhaṇḍī tu tataḥ kruddhaḥ saumadattiṃ viśāṃ patenavatyā sāyakānāṃ tu kampayāmāsa bhārata

राक्षसौ भीमकर्माणौ हैडिम्बालम्बुसावुभौचक्रातेऽत्यद्भुतं युद्धं परस्परवधैषिणौ

rākṣasau bhīmakarmāṇau haiḍimbālambusāvubhaucakrāte'tyadbhutaṃ yuddhaṃ parasparavadhaiṣiṇau

मायाशतसृजौ दृप्तौ मायाभिरितरेतरम्अन्तर्हितौ चेरतुस्तौ भृशं विस्मयकारिणौ

māyāśatasṛjau dṛptau māyābhiritaretaramantarhitau ceratustau bhṛśaṃ vismayakāriṇau

चेकितानोऽनुविन्देन युयुधे त्वतिभैरवम्यथा देवासुरे युद्धे बलशक्रौ महाबलौ

cekitāno'nuvindena yuyudhe tvatibhairavamyathā devāsure yuddhe balaśakrau mahābalau

लक्ष्मणः क्षत्रदेवेन विमर्दमकरोद्भृशम्यथा विष्णुः पुरा राजन्हिरण्याक्षेण संयुगे

lakṣmaṇaḥ kṣatradevena vimardamakarodbhṛśamyathā viṣṇuḥ purā rājanhiraṇyākṣeṇa saṃyuge

ततः प्रजविताश्वेन विधिवत्कल्पितेन चरथेनाभ्यपतद्राजन्सौभद्रं पौरवो नदन्

tataḥ prajavitāśvena vidhivatkalpitena carathenābhyapatadrājansaubhadraṃ pauravo nadan

ततोऽभियाय त्वरितो युद्धाकाङ्क्षी महाबलःतेन चक्रे महद्युद्धमभिमन्युररिंदमः

tato'bhiyāya tvarito yuddhākāṅkṣī mahābalaḥtena cakre mahadyuddhamabhimanyurariṃdamaḥ

पौरवस्त्वथ सौभद्रं शरव्रातैरवाकिरत्तस्यार्जुनिर्ध्वजं छत्रं धनुश्चोर्व्यामपातयत्

pauravastvatha saubhadraṃ śaravrātairavākirattasyārjunirdhvajaṃ chatraṃ dhanuścorvyāmapātayat

सौभद्रः पौरवं त्वन्यैर्विद्ध्वा सप्तभिराशुगैःपञ्चभिस्तस्य विव्याध हयान्सूतं च सायकैः

saubhadraḥ pauravaṃ tvanyairviddhvā saptabhirāśugaiḥpañcabhistasya vivyādha hayānsūtaṃ ca sāyakaiḥ

ततः संहर्षयन्सेनां सिंहवद्विनदन्मुहुःसमादत्तार्जुनिस्तूर्णं पौरवान्तकरं शरम्

tataḥ saṃharṣayansenāṃ siṃhavadvinadanmuhuḥsamādattārjunistūrṇaṃ pauravāntakaraṃ śaram

द्वाभ्यां शराभ्यां हार्दिक्यश्चकर्त सशरं धनुःतदुत्सृज्य धनुश्छिन्नं सौभद्रः परवीरहाउद्बबर्ह सितं खड्गमाददानः शरावरम्

dvābhyāṃ śarābhyāṃ hārdikyaścakarta saśaraṃ dhanuḥtadutsṛjya dhanuśchinnaṃ saubhadraḥ paravīrahāudbabarha sitaṃ khaḍgamādadānaḥ śarāvaram

स तेनानेकतारेण चर्मणा कृतहस्तवत्भ्रान्तासिरचरन्मार्गान्दर्शयन्वीर्यमात्मनः

sa tenānekatāreṇa carmaṇā kṛtahastavatbhrāntāsiracaranmārgāndarśayanvīryamātmanaḥ

भ्रामितं पुनरुद्भ्रान्तमाधूतं पुनरुच्छ्रितम्चर्मनिस्त्रिंशयो राजन्निर्विशेषमदृश्यत

bhrāmitaṃ punarudbhrāntamādhūtaṃ punarucchritamcarmanistriṃśayo rājannirviśeṣamadṛśyata

स पौरवरथस्येषामाप्लुत्य सहसा नदन्पौरवं रथमास्थाय केशपक्षे परामृशत्

sa pauravarathasyeṣāmāplutya sahasā nadanpauravaṃ rathamāsthāya keśapakṣe parāmṛśat

जघानास्य पदा सूतमसिनापातयद्ध्वजम्विक्षोभ्याम्भोनिधिं तार्क्ष्यस्तं नागमिव चाक्षिपत्

jaghānāsya padā sūtamasināpātayaddhvajamvikṣobhyāmbhonidhiṃ tārkṣyastaṃ nāgamiva cākṣipat

तमाकलितकेशान्तं ददृशुः सर्वपार्थिवाःउक्षाणमिव सिंहेन पात्यमानमचेतनम्

tamākalitakeśāntaṃ dadṛśuḥ sarvapārthivāḥukṣāṇamiva siṃhena pātyamānamacetanam

तमार्जुनिवशं प्राप्तं कृष्यमाणमनाथवत्पौरवं पतितं दृष्ट्वा नामृष्यत जयद्रथः

tamārjunivaśaṃ prāptaṃ kṛṣyamāṇamanāthavatpauravaṃ patitaṃ dṛṣṭvā nāmṛṣyata jayadrathaḥ

स बर्हिणमहावाजं किङ्किणीशतजालवत्चर्म चादाय खड्गं च नदन्पर्यपतद्रथात्

sa barhiṇamahāvājaṃ kiṅkiṇīśatajālavatcarma cādāya khaḍgaṃ ca nadanparyapatadrathāt

ततः सैन्धवमालोक्य कार्ष्णिरुत्सृज्य पौरवम्उत्पपात रथात्तूर्णं श्येनवन्निपपात च

tataḥ saindhavamālokya kārṣṇirutsṛjya pauravamutpapāta rathāttūrṇaṃ śyenavannipapāta ca

प्रासपट्टिशनिस्त्रिंशाञ्शत्रुभिः संप्रवेरितान्चिच्छेदाथासिना कार्ष्णिश्चर्मणा संरुरोध च

prāsapaṭṭiśanistriṃśāñśatrubhiḥ saṃpraveritāncicchedāthāsinā kārṣṇiścarmaṇā saṃrurodha ca

स दर्शयित्वा सैन्यानां स्वबाहुबलमात्मनःतमुद्यम्य महाखड्गं चर्म चाथ पुनर्बली

sa darśayitvā sainyānāṃ svabāhubalamātmanaḥtamudyamya mahākhaḍgaṃ carma cātha punarbalī

वृद्धक्षत्रस्य दायादं पितुरत्यन्तवैरिणम्ससाराभिमुखः शूरः शार्दूल इव कुञ्जरम्

vṛddhakṣatrasya dāyādaṃ pituratyantavairiṇamsasārābhimukhaḥ śūraḥ śārdūla iva kuñjaram

तौ परस्परमासाद्य खड्गदन्तनखायुधौहृष्टवत्संप्रजह्राते व्याघ्रकेसरिणाविव

tau parasparamāsādya khaḍgadantanakhāyudhauhṛṣṭavatsaṃprajahrāte vyāghrakesariṇāviva

संपातेष्वभिपातेषु निपातेष्वसिचर्मणोःन तयोरन्तरं कश्चिद्ददर्श नरसिंहयोः

saṃpāteṣvabhipāteṣu nipāteṣvasicarmaṇoḥna tayorantaraṃ kaściddadarśa narasiṃhayoḥ

अवक्षेपोऽसिनिर्ह्रादः शस्त्रान्तरनिदर्शनम्बाह्यान्तरनिपातश्च निर्विशेषमदृश्यत

avakṣepo'sinirhrādaḥ śastrāntaranidarśanambāhyāntaranipātaśca nirviśeṣamadṛśyata

बाह्यमाभ्यन्तरं चैव चरन्तौ मार्गमुत्तमम्ददृशाते महात्मानौ सपक्षाविव पर्वतौ

bāhyamābhyantaraṃ caiva carantau mārgamuttamamdadṛśāte mahātmānau sapakṣāviva parvatau

ततो विक्षिपतः खड्गं सौभद्रस्य यशस्विनःशरावरणपक्षान्ते प्रजहार जयद्रथः

tato vikṣipataḥ khaḍgaṃ saubhadrasya yaśasvinaḥśarāvaraṇapakṣānte prajahāra jayadrathaḥ

रुक्मपक्षान्तरे सक्तस्तस्मिंश्चर्मणि भास्वरेसिन्धुराजबलोद्धूतः सोऽभज्यत महानसिः

rukmapakṣāntare saktastasmiṃścarmaṇi bhāsvaresindhurājabaloddhūtaḥ so'bhajyata mahānasiḥ

भग्नमाज्ञाय निस्त्रिंशमवप्लुत्य पदानि षट्सोऽदृश्यत निमेषेण स्वरथं पुनरास्थितः

bhagnamājñāya nistriṃśamavaplutya padāni ṣaṭso'dṛśyata nimeṣeṇa svarathaṃ punarāsthitaḥ

तं कार्ष्णिं समरान्मुक्तमास्थितं रथमुत्तमम्सहिताः सर्वराजानः परिवव्रुः समन्ततः

taṃ kārṣṇiṃ samarānmuktamāsthitaṃ rathamuttamamsahitāḥ sarvarājānaḥ parivavruḥ samantataḥ

ततश्चर्म च खड्गं च समुत्क्षिप्य महाबलःननादार्जुनदायादः प्रेक्षमाणो जयद्रथम्

tataścarma ca khaḍgaṃ ca samutkṣipya mahābalaḥnanādārjunadāyādaḥ prekṣamāṇo jayadratham

सिन्धुराजं परित्यज्य सौभद्रः परवीरहातापयामास तत्सैन्यं भुवनं भास्करो यथा

sindhurājaṃ parityajya saubhadraḥ paravīrahātāpayāmāsa tatsainyaṃ bhuvanaṃ bhāskaro yathā

तस्य सर्वायसीं शक्तिं शल्यः कनकभूषणाम्चिक्षेप समरे घोरां दीप्तामग्निशिखामिव

tasya sarvāyasīṃ śaktiṃ śalyaḥ kanakabhūṣaṇāmcikṣepa samare ghorāṃ dīptāmagniśikhāmiva

तामवप्लुत्य जग्राह सकोशं चाकरोदसिम्वैनतेयो यथा कार्ष्णिः पतन्तमुरगोत्तमम्

tāmavaplutya jagrāha sakośaṃ cākarodasimvainateyo yathā kārṣṇiḥ patantamuragottamam

तस्य लाघवमाज्ञाय सत्त्वं चामिततेजसःसहिताः सर्वराजानः सिंहनादमथानदन्

tasya lāghavamājñāya sattvaṃ cāmitatejasaḥsahitāḥ sarvarājānaḥ siṃhanādamathānadan

ततस्तामेव शल्यस्य सौभद्रः परवीरहामुमोच भुजवीर्येण वैडूर्यविकृताजिराम्

tatastāmeva śalyasya saubhadraḥ paravīrahāmumoca bhujavīryeṇa vaiḍūryavikṛtājirām

सा तस्य रथमासाद्य निर्मुक्तभुजगोपमाजघान सूतं शल्यस्य रथाच्चैनमपातयत्

sā tasya rathamāsādya nirmuktabhujagopamājaghāna sūtaṃ śalyasya rathāccainamapātayat

ततो विराटद्रुपदौ धृष्टकेतुर्युधिष्ठिरःसात्यकिः केकया भीमो धृष्टद्युम्नशिखण्डिनौयमौ च द्रौपदेयाश्च साधु साध्विति चुक्रुशुः

tato virāṭadrupadau dhṛṣṭaketuryudhiṣṭhiraḥsātyakiḥ kekayā bhīmo dhṛṣṭadyumnaśikhaṇḍinauyamau ca draupadeyāśca sādhu sādhviti cukruśuḥ

बाणशब्दाश्च विविधाः सिंहनादाश्च पुष्कलाःप्रादुरासन्हर्षयन्तः सौभद्रमपलायिनम्तन्नामृष्यन्त पुत्रास्ते शत्रोर्विजयलक्षणम्

bāṇaśabdāśca vividhāḥ siṃhanādāśca puṣkalāḥprādurāsanharṣayantaḥ saubhadramapalāyinamtannāmṛṣyanta putrāste śatrorvijayalakṣaṇam

अथैनं सहसा सर्वे समन्तान्निशितैः शरैःअभ्याकिरन्महाराज जलदा इव पर्वतम्

athainaṃ sahasā sarve samantānniśitaiḥ śaraiḥabhyākiranmahārāja jaladā iva parvatam

तेषां च प्रियमन्विच्छन्सूतस्य च पराभवात्आर्तायनिरमित्रघ्नः क्रुद्धः सौभद्रमभ्ययात्

teṣāṃ ca priyamanvicchansūtasya ca parābhavātārtāyaniramitraghnaḥ kruddhaḥ saubhadramabhyayāt