Kanda.Sarga 1.27

अथ ताम् रजनीम् उष्य विश्वामिरो महायशाः ।प्रहस्य राघवम् वाक्यम् उवाच मधुर स्वरम्॥

atha tām rajanīm uṣya viśvāmiro mahāyaśāḥ |prahasya rāghavam vākyam uvāca madhura svaram ||

परितुष्टो अस्मि भद्रम् ते राजपुत्र महायशः ।प्रीत्या परमया युक्तो ददामि अस्त्राणि सर्वशः॥

parituṣṭo asmi bhadram te rājaputra mahāyaśaḥ |prītyā paramayā yukto dadāmi astrāṇi sarvaśaḥ ||

देव असुर गणान् वा अपि स गन्धर्व उरगान् भुवि ।यैः अमित्रान् प्रसह्य आजौ वशीकृत्य जयिष्यसि॥

deva asura gaṇān vā api sa gandharva uragān bhuvi |yaiḥ amitrān prasahya ājau vaśīkṛtya jayiṣyasi ||

तानि दिव्यानि भद्रम् ते ददामि अस्त्राणि सर्वशः ।दण्ड चक्रम् महत् दिव्यम् तव दास्यामि राघव॥

tāni divyāni bhadram te dadāmi astrāṇi sarvaśaḥ |daṇḍa cakram mahat divyam tava dāsyāmi rāghava ||

धर्म चक्रम् ततो वीर काल चक्रम् तथैव च ।विष्णु चक्रम् तथा अति उग्रम् ऐन्द्रम् चक्रम् तथैव च॥

dharma cakram tato vīra kāla cakram tathaiva ca |viṣṇu cakram tathā ati ugram aindram cakram tathaiva ca ||

वज्रम् अस्त्रम् नरश्रेष्ठ शैवम् शूलवरम् तथा ।अस्त्रम् ब्रह्मशिरः च एव ऐषीकम् अपि राघव॥

vajram astram naraśreṣṭha śaivam śūlavaram tathā |astram brahmaśiraḥ ca eva aiṣīkam api rāghava ||

ददामि ते महाबाहो ब्राह्मम् अस्त्रम् अनुत्तमम् ।गदे द्वे चैव काकुत्स्थ मोदकी शिखरी शुभे॥

dadāmi te mahābāho brāhmam astram anuttamam |gade dve caiva kākutstha modakī śikharī śubhe ||

प्रदीप्ते नरशार्दूल प्रयच्छामि नृपाअत्मज ।धर्म पाशम् अहम् राम काल पाशम् तथैव च॥

pradīpte naraśārdūla prayacchāmi nṛpāatmaja |dharma pāśam aham rāma kāla pāśam tathaiva ca ||

वारुणम् पाशम् अस्त्रम् च ददामि अहम् अनुत्तमम् ।अशनी द्वे प्रयच्छामि शुष्क आर्द्रे रघुनन्दन॥

vāruṇam pāśam astram ca dadāmi aham anuttamam |aśanī dve prayacchāmi śuṣka ārdre raghunandana ||

ददामि च अस्त्रम् पैनाकम् अस्त्रम् नारायणम् तथा ।आग्नेयम् अस्त्रम् दयितम् शिखरम् नाम नामतः॥

dadāmi ca astram painākam astram nārāyaṇam tathā |āgneyam astram dayitam śikharam nāma nāmataḥ ||

वायव्यम् प्रथमम् नाम ददामि तव च अनघ ।अस्त्रम् हयशिरः नाम क्रौञ्चम् अस्त्रम् तथैव च॥

vāyavyam prathamam nāma dadāmi tava ca anagha |astram hayaśiraḥ nāma krauñcam astram tathaiva ca ||

शक्ति द्वयम् च काकुत्स्थ ददामि तव राघव ।कंकालम् मुसलम् घोरम् कापालम् अथ किन्किणीम्॥

śakti dvayam ca kākutstha dadāmi tava rāghava |kaṃkālam musalam ghoram kāpālam atha kinkiṇīm ||

वधार्थम् राक्षसाम् यानि ददामि एतानि सर्वशः ।वैद्याधरम् महा अस्त्रम् च नन्दनम् नाम नामतः॥

vadhārtham rākṣasām yāni dadāmi etāni sarvaśaḥ |vaidyādharam mahā astram ca nandanam nāma nāmataḥ ||

असि रत्नम् महाबाहो ददामि नृवरात्मज ।गान्धर्वम् अस्त्रम् दयितम् मोहनम् नाम नामतः॥

asi ratnam mahābāho dadāmi nṛvarātmaja |gāndharvam astram dayitam mohanam nāma nāmataḥ ||

प्रस्वापनम् प्रशमनम् दद्मि सौम्यम् च राघव ।वर्षणम् शोषणम् चैव संतापन विलापने॥

prasvāpanam praśamanam dadmi saumyam ca rāghava |varṣaṇam śoṣaṇam caiva saṃtāpana vilāpane ||

मादनम् चैव दुर्धर्षम् कन्दर्प दयितम् तथा ।गान्धर्वम् अस्त्रम् दयितम् मानवम् नाम नामतः॥

mādanam caiva durdharṣam kandarpa dayitam tathā |gāndharvam astram dayitam mānavam nāma nāmataḥ ||

पैशाचम् अस्त्रम् दयितम् मोहनम् नाम नामतः ।प्रतीच्छ नरशार्दूल राजपुत्र महायशः॥

paiśācam astram dayitam mohanam nāma nāmataḥ |pratīccha naraśārdūla rājaputra mahāyaśaḥ ||

तामसम् नरशार्दूल सौमनम् च महाबलम् ।संवर्तम् चैव दुर्धर्षम् मौसलम् च नृपात्मज॥

tāmasam naraśārdūla saumanam ca mahābalam |saṃvartam caiva durdharṣam mausalam ca nṛpātmaja ||

सत्यम् अस्त्रम् महाबाहो तथा मायामयम् परम् ।सौरम् तेजःप्रभम् नाम पर तेजो अपकर्षणम्॥

satyam astram mahābāho tathā māyāmayam param |sauram tejaḥprabham nāma para tejo apakarṣaṇam ||

सोम अस्त्रम् शिशिरम् नाम त्वाष्ट्रम् अस्त्रम् सुदारुरणम् ।दारुणम् च भगस्य अपि शितेषुम् अथ मानवम्॥

soma astram śiśiram nāma tvāṣṭram astram sudāruraṇam |dāruṇam ca bhagasya api śiteṣum atha mānavam ||

एतान् राम महाबाहो काम रूपान् महाबलान् ।गृहाण परमोदारान् क्षिप्रम् एव नृपात्मज॥

etān rāma mahābāho kāma rūpān mahābalān |gṛhāṇa paramodārān kṣipram eva nṛpātmaja ||

स्थितः तु प्राङ्मुखो भूत्वा शुचिर् मुनिवरः तदा ।ददौ रामाय सुप्रीतो मंत्र ग्रामम् अनुत्तमम्॥

sthitaḥ tu prāṅmukho bhūtvā śucir munivaraḥ tadā |dadau rāmāya suprīto maṃtra grāmam anuttamam ||

सर्व संग्रहणम् एषाम् दैवतैः अपि दुर्लभम् ।तानि अस्त्राणि तदा विप्रो राघवाय न्यवेदत्॥

sarva saṃgrahaṇam eṣām daivataiḥ api durlabham |tāni astrāṇi tadā vipro rāghavāya nyavedat ||

जपतः तु मुनेः तस्य विश्वामित्रस्य धीमतः ।उपतस्थुः महा अर्हाणि सर्वाणि अस्त्राणि राघवम्॥

japataḥ tu muneḥ tasya viśvāmitrasya dhīmataḥ |upatasthuḥ mahā arhāṇi sarvāṇi astrāṇi rāghavam ||

ऊचुः च मुदिता रामम् सर्वे प्रांजलयः तदा ।इमे च परमोदार किंकराः तव राघव॥

ūcuḥ ca muditā rāmam sarve prāṃjalayaḥ tadā |ime ca paramodāra kiṃkarāḥ tava rāghava ||

यद् यद् इच्छसि भद्रन् ते तत् सर्वम् करवाम वै ।ततो राम प्रसन्न आत्मा तैः इति उक्तो महाबलैः॥

yad yad icchasi bhadran te tat sarvam karavāma vai |tato rāma prasanna ātmā taiḥ iti ukto mahābalaiḥ ||

प्रतिगृह्य च काकुत्स्थः समालभ्य च पाणिना ।मनसा मे भविष्यध्वम् इति तानि अभ्यचोदयत्॥

pratigṛhya ca kākutsthaḥ samālabhya ca pāṇinā |manasā me bhaviṣyadhvam iti tāni abhyacodayat ||

ततः प्रीत मना रामो विश्वामित्रम् महामुनिम् ।अभिवाद्य महातेजा गमनाय उपचक्रमे॥

tataḥ prīta manā rāmo viśvāmitram mahāmunim |abhivādya mahātejā gamanāya upacakrame ||