Kanda.Sarga 3.2

कृत आतिथ्योऽथ रामस्तु सूर्यस्य उदयनम् प्रति ।आमंत्र्य स मुनीम् तत् सर्वान् वनम् एव अन्वगाहत॥

kṛta ātithyo'tha rāmastu sūryasya udayanam prati |āmaṃtrya sa munīm tat sarvān vanam eva anvagāhata ||

नाना मृग गण आकीर्णम् ऋक्ष शार्दूल सेवितम् ।ध्वस्त वृक्ष लता गुल्मम् दुर्दर्श सलिलाशयम्॥

nānā mṛga gaṇa ākīrṇam ṛkṣa śārdūla sevitam |dhvasta vṛkṣa latā gulmam durdarśa salilāśayam ||

निष्कूजमाना शकुनि झिल्लिका गण नादितम् ।लक्ष्मण अनुचरोओ रामो वन मध्यम् ददर्श ह॥

niṣkūjamānā śakuni jhillikā gaṇa nāditam |lakṣmaṇa anucaroo rāmo vana madhyam dadarśa ha ||

सीताया सह काकुत्स्थः तस्मिन् घोर मृग आयुते ।ददर्श गिरि शृङ्ग आभम् पुरुषादम् महास्वनम्॥

sītāyā saha kākutsthaḥ tasmin ghora mṛga āyute |dadarśa giri śṛṅga ābham puruṣādam mahāsvanam ||

गम्भीर अक्षम् महावक्त्रम् विकटम् विकटोदरम् ।बीभत्सम् विषमम् दीर्घम् विकृतम् घोर दर्शनम्॥

gambhīra akṣam mahāvaktram vikaṭam vikaṭodaram |bībhatsam viṣamam dīrgham vikṛtam ghora darśanam ||

वसानम् चर्म वैयाघ्रम् वस आर्द्रम् रुधिरोक्षितम् ।त्रासनम् सर्व भूतानाम् व्यादितास्यम् इव अन्तकम्॥

vasānam carma vaiyāghram vasa ārdram rudhirokṣitam |trāsanam sarva bhūtānām vyāditāsyam iva antakam ||

त्रीन् सिंहान् चतुरो व्याघ्रान् द्वौ वृकौ पृषतान् दश ।सविषाणम् वसादिग्धम् गजस्य च शिरो महत्॥

trīn siṃhān caturo vyāghrān dvau vṛkau pṛṣatān daśa |saviṣāṇam vasādigdham gajasya ca śiro mahat ||

अवसज्य आअयसे शूले विनदन्तम् महास्वनम् ।स रामम् लक्ष्मणम् चैव सीताम् दृष्ट्वा च मैथिलीम्॥

avasajya āayase śūle vinadantam mahāsvanam |sa rāmam lakṣmaṇam caiva sītām dṛṣṭvā ca maithilīm ||

अभ्य धावत् सुसंक्रुद्धो प्रजाः काल इव अन्तकः ।स कृत्वा भैरवम् नादम् चालयन् इव मेदिनीम्॥

abhya dhāvat susaṃkruddho prajāḥ kāla iva antakaḥ |sa kṛtvā bhairavam nādam cālayan iva medinīm ||

अङ्केन आदाय वैदेहीम् अपक्रम्य तदा अब्रवीत् ।युवाम् जटा चीर धरौ सभार्यौ क्षीण जीवितौ॥

aṅkena ādāya vaidehīm apakramya tadā abravīt |yuvām jaṭā cīra dharau sabhāryau kṣīṇa jīvitau ||

प्रविष्टौ दण्डकारण्यम् शर चाप असि पाणिनौ ।कथम् तापसयोः युवाम् च वासः प्रमदया सह॥

praviṣṭau daṇḍakāraṇyam śara cāpa asi pāṇinau |katham tāpasayoḥ yuvām ca vāsaḥ pramadayā saha ||

अधर्म चारिणौ पापौ कौ युवाम् मुनि दूषकौ ।अहम् वनम् इदम् दुर्गम् विराघो नाम राक्षसः॥

adharma cāriṇau pāpau kau yuvām muni dūṣakau |aham vanam idam durgam virāgho nāma rākṣasaḥ ||

चरामि सायुधो नित्यम् ऋषि मांसानि भक्षयन् ।इयम् नारी वरारोहा मम भार्या भविष्यति॥

carāmi sāyudho nityam ṛṣi māṃsāni bhakṣayan |iyam nārī varārohā mama bhāryā bhaviṣyati ||

युवयोः पापयोः च अहम् पास्यामि रुधिरम् मृधे ।तस्य एवम् ब्रुवतो दुष्टम् विराधस्य दुरात्मनः॥

yuvayoḥ pāpayoḥ ca aham pāsyāmi rudhiram mṛdhe |tasya evam bruvato duṣṭam virādhasya durātmanaḥ ||

श्रुत्वा सगर्वितम् वाक्यम् संभ्रान्ता जनकात्मजा ।सीता प्रावेपिता उद्वेगात् प्रवाते कदली यथा॥

śrutvā sagarvitam vākyam saṃbhrāntā janakātmajā |sītā prāvepitā udvegāt pravāte kadalī yathā ||

ताम् दृष्ट्वा राघवः सीताम् विराध अङ्कगताम् शुभाम् ।अब्रवीत् लक्ष्मणम् वाक्यम् मुखेन परिशुष्यता॥

tām dṛṣṭvā rāghavaḥ sītām virādha aṅkagatām śubhām |abravīt lakṣmaṇam vākyam mukhena pariśuṣyatā ||

पश्य सौम्य नरेन्द्रस्य जनकस्य अत्म संभवाम् ।मम भार्याम् शुभाचाराम् विराधाङ्के प्रवेशिताम्॥

paśya saumya narendrasya janakasya atma saṃbhavām |mama bhāryām śubhācārām virādhāṅke praveśitām ||

अत्यन्त सुख संवृद्धाम् राजपुत्रीम् यशस्विनीम् ।यत् अभिप्रेतम् अस्मासु प्रियम् वर वृतम् च यत्॥

atyanta sukha saṃvṛddhām rājaputrīm yaśasvinīm |yat abhipretam asmāsu priyam vara vṛtam ca yat ||

कैकेय्यास्तु सुसंवृत्तम् क्षिप्रम् अद्य एव लक्ष्मण ।या न तुष्यति राज्येन पुत्रार्थे दीर्घ दर्शिनी॥

kaikeyyāstu susaṃvṛttam kṣipram adya eva lakṣmaṇa |yā na tuṣyati rājyena putrārthe dīrgha darśinī ||

ययाऽहम् सर्वभूतानाम् प्रियः प्रस्थापितो वनम् ।अद्य इदानीम् सकामा सा या माता मम मध्यमा॥

yayā'ham sarvabhūtānām priyaḥ prasthāpito vanam |adya idānīm sakāmā sā yā mātā mama madhyamā ||

पर स्पर्शात् तु वैदेह्या न दुःखतरम् अस्ति मे ।पितुर् विनाशात् सौमित्रे स्व राज्य हरणात् तथा॥

para sparśāt tu vaidehyā na duḥkhataram asti me |pitur vināśāt saumitre sva rājya haraṇāt tathā ||

इति ब्रुवति काकुत्स्थे बाष्प शोक परिप्लुतः ।अब्रवीत् लक्ष्मणः क्रुद्धो रुद्धो नाग इव श्वसन्॥

iti bruvati kākutsthe bāṣpa śoka pariplutaḥ |abravīt lakṣmaṇaḥ kruddho ruddho nāga iva śvasan ||

अनाथ इव भूतानाम् नाथः त्वम् वासवोपमः ।मया प्रेष्येण काकुत्स्थः किम् अर्थम् परितप्यसे॥

anātha iva bhūtānām nāthaḥ tvam vāsavopamaḥ |mayā preṣyeṇa kākutsthaḥ kim artham paritapyase ||

शरेण निहतस्य अद्य मया क्रुद्धेन रक्षसः ।विराधस्य गत असोः हि मही पास्यति शोणितम्॥

śareṇa nihatasya adya mayā kruddhena rakṣasaḥ |virādhasya gata asoḥ hi mahī pāsyati śoṇitam ||

राज्य कामे मम क्रोधो भरते यो बभूव ह ।तम् विराधे विमोक्ष्यामि वज्री वज्रम् इव अचले॥

rājya kāme mama krodho bharate yo babhūva ha |tam virādhe vimokṣyāmi vajrī vajram iva acale ||

मम भुज बल वेग वेगितःपततु शरोऽस्य महान् महोरसि ।व्यपनयतु तनोः च जीवितम्पततु ततः च महीम् विघूर्णितः॥

mama bhuja bala vega vegitaḥpatatu śaro'sya mahān mahorasi |vyapanayatu tanoḥ ca jīvitampatatu tataḥ ca mahīm vighūrṇitaḥ ||