Kanda.Sarga 1.73

यस्मिन् तु दिवसे राजा चक्रे गो दानम् उत्तमम् ।तस्मिन् तु दिवसे शूरो युधाजित् समुपेयिवान्॥

yasmin tu divase rājā cakre go dānam uttamam |tasmin tu divase śūro yudhājit samupeyivān ||

पुत्रः केकय राजस्य साक्षात् भरत मातुलः ।दृष्ट्वा पृष्ट्वा च कुशलम् राजानम् इदम् अब्रवीत्॥

putraḥ kekaya rājasya sākṣāt bharata mātulaḥ |dṛṣṭvā pṛṣṭvā ca kuśalam rājānam idam abravīt ||

केकय अधिपती राजा स्नेहात् कुशलम् अब्रवीत् ।येषाम् कुशलकामो असि तेषाम् संप्रति अनामयम्॥

kekaya adhipatī rājā snehāt kuśalam abravīt |yeṣām kuśalakāmo asi teṣām saṃprati anāmayam ||

स्वस्रीयम् मम राजेन्द्र द्रष्टु कामो महीपतिः ।तत् अर्थम् उपयातो अहम् अयोध्याम् रघुनंदन॥

svasrīyam mama rājendra draṣṭu kāmo mahīpatiḥ |tat artham upayāto aham ayodhyām raghunaṃdana ||

श्रुत्वा तु अहम् अयोध्यायाम् विवाह अर्थम् तव आत्मजान् ।मिथिलाम् उपयातान् तु त्वया सह महीपते॥

śrutvā tu aham ayodhyāyām vivāha artham tava ātmajān |mithilām upayātān tu tvayā saha mahīpate ||

त्वरया अभुपयातो अहम् द्रष्टु कामः स्वसुः सुतम् ।अथ राजा दशरथः प्रिय अतिथिम् उपस्थितम्॥

tvarayā abhupayāto aham draṣṭu kāmaḥ svasuḥ sutam |atha rājā daśarathaḥ priya atithim upasthitam ||

दृष्ट्वा परम सत्कारैः पूजार्हम् समपूजयत् ।ततः ताम् उषितो रात्रिम् सह पुत्रैः महात्मभिः॥

dṛṣṭvā parama satkāraiḥ pūjārham samapūjayat |tataḥ tām uṣito rātrim saha putraiḥ mahātmabhiḥ ||

प्रभाते पुनः उत्थाय कृत्वा कर्माणि तत्त्ववित् ।ऋषीन् तदा पुरस्कृत्य यज्ञ वाटम् उपागमत्॥

prabhāte punaḥ utthāya kṛtvā karmāṇi tattvavit |ṛṣīn tadā puraskṛtya yajña vāṭam upāgamat ||

युक्ते मुहूर्ते विजये सर्व आभरण भूषितैः ।भ्रातृभिः सहितो रामः कृत कौतुक मंगलः॥

yukte muhūrte vijaye sarva ābharaṇa bhūṣitaiḥ |bhrātṛbhiḥ sahito rāmaḥ kṛta kautuka maṃgalaḥ ||

वसिष्ठम् पुरतः कृत्वा महर्षीन् अपरान् अपि ।वशिष्टःओ भगवान् एत्य वैदेहम् इदम् अब्रवीत्॥

vasiṣṭham purataḥ kṛtvā maharṣīn aparān api |vaśiṣṭaḥo bhagavān etya vaideham idam abravīt ||

राजा दशरथो राजन् कृत कौतुक मन्गलैः ।पुत्रैः नर वर श्रेष्ठ दातारम् अभिकांक्षते॥

rājā daśaratho rājan kṛta kautuka mangalaiḥ |putraiḥ nara vara śreṣṭha dātāram abhikāṃkṣate ||

दातृ प्रतिग्रहीतृभ्याम् सर्व अर्थाः संभवन्ति हि ।स्वधर्मम् प्रतिपद्यस्व कृत्वा वैवाह्यम् उत्तमम्॥

dātṛ pratigrahītṛbhyām sarva arthāḥ saṃbhavanti hi |svadharmam pratipadyasva kṛtvā vaivāhyam uttamam ||

इति उक्तः परम उदारो वसिष्ठेन महात्मना ।प्रत्युवाच महातेजा वाक्यम् परम धर्मवित्॥

iti uktaḥ parama udāro vasiṣṭhena mahātmanā |pratyuvāca mahātejā vākyam parama dharmavit ||

कः स्थितः प्रतिहारो मे कस्य आज्ञा संप्रतीक्ष्यते ।स्व गृहे को विचारो अस्ति यथा राज्यम् इदम् तव॥

kaḥ sthitaḥ pratihāro me kasya ājñā saṃpratīkṣyate |sva gṛhe ko vicāro asti yathā rājyam idam tava ||

कृत कौतुक सर्वस्वा वेदि मूलम् उपागताः ।मम कन्या मुनिश्रेष्ठ दीप्ता वह्नेः इव अर्चिषः॥

kṛta kautuka sarvasvā vedi mūlam upāgatāḥ |mama kanyā muniśreṣṭha dīptā vahneḥ iva arciṣaḥ ||

सद्यो अहम् त्वत् प्रतीक्षो अस्मि वेद्याम् अस्याम् प्रतिषितः ।अविघ्नम् कुरुताम् राजा किम् अर्थम् हि विलम्ब्यते॥

sadyo aham tvat pratīkṣo asmi vedyām asyām pratiṣitaḥ |avighnam kurutām rājā kim artham hi vilambyate ||

तत् वाक्यम् जनकेन उक्तम् श्रुत्वा दशरथः तदा ।प्रवेशयामास सुतान् सर्वान् ऋषि गणान् अपि॥

tat vākyam janakena uktam śrutvā daśarathaḥ tadā |praveśayāmāsa sutān sarvān ṛṣi gaṇān api ||

ततो राजा विदेहानाम् वशिष्ठम् इदम् अब्रवीत् ।कारयस्व ऋषे सर्वान् ऋषिभिः सह धार्मिक॥

tato rājā videhānām vaśiṣṭham idam abravīt |kārayasva ṛṣe sarvān ṛṣibhiḥ saha dhārmika ||

रामस्य लोक रामस्य क्रियाम् वैवाहिकीम् प्रभो ।तथा इति उक्त्वा तु जनकम् वशिष्टःओ भगवान् ऋषिः॥

rāmasya loka rāmasya kriyām vaivāhikīm prabho |tathā iti uktvā tu janakam vaśiṣṭaḥo bhagavān ṛṣiḥ ||

विश्वामित्रम् पुरस्कृत्य शतानंदम् च धार्मिकम् ।प्रपा मध्ये तु विधिवत् वेदीम् कृत्वा महातपाः॥

viśvāmitram puraskṛtya śatānaṃdam ca dhārmikam |prapā madhye tu vidhivat vedīm kṛtvā mahātapāḥ ||

अलम् चकार ताम् वेदीम् गन्ध पुष्पैः समंततः ।सुवर्ण पालिकाभिः च चित्र कुम्भैः च स अंकुरैः॥

alam cakāra tām vedīm gandha puṣpaiḥ samaṃtataḥ |suvarṇa pālikābhiḥ ca citra kumbhaiḥ ca sa aṃkuraiḥ ||

अंकुर आढ्यैः शरावैः च धूप पात्रैः स धूपकैः ।शंख पात्रैः श्रुवैः स्रुग्भिः पात्रैः अर्घ्यादि पूजितैः॥

aṃkura āḍhyaiḥ śarāvaiḥ ca dhūpa pātraiḥ sa dhūpakaiḥ |śaṃkha pātraiḥ śruvaiḥ srugbhiḥ pātraiḥ arghyādi pūjitaiḥ ||

लाज पूर्णैः च पात्रीभिः रक्षितैः अपि संस्कृतैः ।दर्भैः समैः समास्तीर्य विधिवत् मंत्र पुरस्कृतम्॥

lāja pūrṇaiḥ ca pātrībhiḥ rakṣitaiḥ api saṃskṛtaiḥ |darbhaiḥ samaiḥ samāstīrya vidhivat maṃtra puraskṛtam ||

अग्निम् आधाय तम् वेद्याम् विधि मंत्र पूर्वकम् ।जुहाव अग्नौ महातेजा वशिष्ठो मुनिपुंगव॥

agnim ādhāya tam vedyām vidhi maṃtra pūrvakam |juhāva agnau mahātejā vaśiṣṭho munipuṃgava ||

ततः सीताम् समानीय सर्व आभरण भुषिताम् ।समक्षम् अग्नेः संस्थाप्य राघव अभिमुखे तदा॥

tataḥ sītām samānīya sarva ābharaṇa bhuṣitām |samakṣam agneḥ saṃsthāpya rāghava abhimukhe tadā ||

अब्रवीत् जनको राजा कौसल्य आनंद वर्धनम् ।इयम् सीता मम सुता सह धर्म चरी तव॥

abravīt janako rājā kausalya ānaṃda vardhanam |iyam sītā mama sutā saha dharma carī tava ||

प्रतीच्छ च एनाम् भद्रम् ते पाणिम् गृह्णीष्व पाणिना ।पतिव्रता महभागा छाय इव अनुगता सदा॥

pratīccha ca enām bhadram te pāṇim gṛhṇīṣva pāṇinā |pativratā mahabhāgā chāya iva anugatā sadā ||

इति उक्त्वा प्राक्षिपत् राजा मंत्र पूतम् जलम् तदा ।साधु साधु इति देवानाम् ऋषीणाम् वदताम् तदा॥

iti uktvā prākṣipat rājā maṃtra pūtam jalam tadā |sādhu sādhu iti devānām ṛṣīṇām vadatām tadā ||

देव दुंदुभि निर्घोषः पुष्प वर्षम् महान् अभूत् ।एवम् दत्त्वा सुताम् सीताम् मंत्र उदक पुरस्कृताम्॥

deva duṃdubhi nirghoṣaḥ puṣpa varṣam mahān abhūt |evam dattvā sutām sītām maṃtra udaka puraskṛtām ||

अब्रवीत् जनको राजा हर्षेण अभिपरिप्लुत ।लक्ष्मण आगच्छ भद्रम् ते ऊर्मिलाम् उद्यताम् मया॥

abravīt janako rājā harṣeṇa abhiparipluta |lakṣmaṇa āgaccha bhadram te ūrmilām udyatām mayā ||

प्रतीच्छ पाणिम् गृह्णीष्व मा भूत् कालस्य पर्ययः ।तम् एवम् उक्त्वा जनको भरतम् च अभ्यभाषत॥

pratīccha pāṇim gṛhṇīṣva mā bhūt kālasya paryayaḥ |tam evam uktvā janako bharatam ca abhyabhāṣata ||

गृहाण पाणिम् माण्डव्याः पाणिना रघुनंदन ।शत्रुघ्नम् च अपि धर्माअत्मा अब्रवीत् मिथिलेश्वरः॥

gṛhāṇa pāṇim māṇḍavyāḥ pāṇinā raghunaṃdana |śatrughnam ca api dharmāatmā abravīt mithileśvaraḥ ||

श्रुतकीर्तेः महाबाहो पाणिम् गृह्णीष्व पाणिना ।सर्वे भवन्तः सौम्याः च सर्वे सुचरित व्रताः॥

śrutakīrteḥ mahābāho pāṇim gṛhṇīṣva pāṇinā |sarve bhavantaḥ saumyāḥ ca sarve sucarita vratāḥ ||

पत्नीभिः सन्तु काकुत्स्था मा भूत् कालस्य पर्ययः ।जनकस्य वचः श्रुत्वा पाणीन् पाणिभिः अस्पृशन्॥

patnībhiḥ santu kākutsthā mā bhūt kālasya paryayaḥ |janakasya vacaḥ śrutvā pāṇīn pāṇibhiḥ aspṛśan ||

चत्वारः ते चतसॄणाम् वसिष्ठस्य मते स्थिताः ।अग्निम् प्रदक्षिणम् कृत्वा वेदिम् राजानम् एव च॥

catvāraḥ te catasṝṇām vasiṣṭhasya mate sthitāḥ |agnim pradakṣiṇam kṛtvā vedim rājānam eva ca ||

ऋषीन् चैव महात्मानः सह भार्या रघु उद्वहाः ।यथा उक्तेन तथा चक्रुः विवाहम् विधि पूर्वकम्॥

ṛṣīn caiva mahātmānaḥ saha bhāryā raghu udvahāḥ |yathā uktena tathā cakruḥ vivāham vidhi pūrvakam ||

पुष्पवृष्टिर्महत्यासीदन्तरिक्षात्सुभास्वरा ।दिव्यदुन्दुभिनिर्घोषैर्गीतवादित्रनिःस्वनैः।यद्वा -पुष्प वृष्टिः महति आसीत् अंतरिक्षात् सु भास्वरा ।दिव्य दुन्दुभि निर्घोषैः गीत वादित्र निःस्वनैः॥

puṣpavṛṣṭirmahatyāsīdantarikṣātsubhāsvarā |divyadundubhinirghoṣairgītavāditraniḥsvanaiḥ |yadvā -puṣpa vṛṣṭiḥ mahati āsīt aṃtarikṣāt su bhāsvarā |divya dundubhi nirghoṣaiḥ gīta vāditra niḥsvanaiḥ ||

ननृतुः च अप्सरः संघा गन्धर्वाः च जगुः कलम् ।विवाहे रघु मुख्यानाम् तद् अद्भुतम् अदृश्यत॥

nanṛtuḥ ca apsaraḥ saṃghā gandharvāḥ ca jaguḥ kalam |vivāhe raghu mukhyānām tad adbhutam adṛśyata ||

ईदृशे वर्तमाने तु तूर्य उद्घुष्ट निनादिते ।त्रिः अग्निम् ते परिक्रम्य ऊहुः भार्या महौजसः॥

īdṛśe vartamāne tu tūrya udghuṣṭa ninādite |triḥ agnim te parikramya ūhuḥ bhāryā mahaujasaḥ ||

अथ उपकार्याम् जग्मुः ते स दारा रघुनंदनाः ।राजा अपि अनुययौ पश्यन् स ऋषि संघः स बान्धवः॥

atha upakāryām jagmuḥ te sa dārā raghunaṃdanāḥ |rājā api anuyayau paśyan sa ṛṣi saṃghaḥ sa bāndhavaḥ ||